32 جاستاعى تۇرعىن ماس كۇيىندە ەكى ايلىق قىزىن ەمىزگەن، سونىڭ سالدارىنان قىز بالا ەتيل سپيرتىنەن ۋلانىپ قايتىس بولدى، - دەپ حابارلايدى Qamshy.kz اقپارات اگەنتتىگى tengrinews.kz سايتىنا سىلتەمە جاساي وتىرىپ. وقيعا رەسەيدىڭ يامالو-نەنەسكيي اۆتونوميالىق وكرۋگىندە بولعان. ايەلگە قاتىستى قىلمىستىق ءىس قوزعالدى.
رف تەرگەسۋ كوميتەتىنىڭ جەرگىلىكتى تەرگەۋ باسقارماسىنداعىلار وقيعانىڭ قازان ايىنىڭ ورتاسىندا يامال اۋدانىنىڭ ءبىر اۋىلىندا بولعانىن ايتادى.
«قىز بالا ەتيل سپيرتىنەن ۋلانىپ، بىردەن قايتىس بولعان»، - دەلىنگەن ۆەدومستۆونىڭ حابارلاماسىندا. قىلمىستىق ءىس ابايسىزدىقتا ادام ءولتىرۋ بابى بويىنشا قوزعالعان. تەرگەۋشىلەر وقيعانىڭ ءمان-جايىن انىقتاپ جاتىر. سوت-مەديسينالىق ساراپتاما تاعايىندالدى، ولار بالانىڭ نەدەن قايتىس بولعانىن انىقتادى. سونداي-اق مەديسينالىق كومەك كورسەتكەن مامانداردان جاۋاپ الىندى.
پىكىر قالدىرۋ