قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرماسىمەن «ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى» رمقك 15 قىركۇيەكتە «بۇقارالىق اقپارات قۇرالدارى جانە ءتىل مادەنيەتى» تاقىرىبىندا رەسپۋبليكالىق سەمينار-ترەنينگ وتكىزەدى.

اقپاراتتىق قوعامدا ب ا ق وكىلدەرى ءتورتىنشى بيلىك قىزمەتىن اتقارادى. بيلىك پەن بۇقارا اراسىنداعى بايلانىس پەن ەلدىڭ ساياسي-ەكونوميكالىق، الەۋمەتتىك-مادەني دامۋىن ناسيحاتتاۋ جۋرناليستەردىڭ باستى مىندەتى. سونىمەن قاتار قازاق ءتىلىنىڭ مەملەكەتتىك ءتىل مارتەبەسىنە ساي قىزمەت ەتۋى مەن ونى دامىتۋدا دا ب ا ق وكىلدەرىنىڭ ماڭىزى زور.

سەمينار-ترەنينگتىڭ ماقساتى: ب ا ق وكىلدەرىنىڭ قازاق تىلىندەگى سوزدىك قورىن جەتىلدىرىپ، ءسوز ساپتاۋىن، ءتىل مادەنيەتىن تۇزەتۋگە ارنالادى.

سەمينار بارىسىندا كاسىبي ماماندار ءدارىس وقىپ، بۇقارالىق اقپارات قۇرالدارىنىڭ مەملەكەتتىك تىلدە اقپارات تاراتۋى، سونىڭ ىشىندە ءتىل نورماسىنىڭ ساقتالۋى، سويلەۋ مادەنيەتى، تەرميندەردىڭ رەتتى قولدانىلۋ ماسەلەلەرى بويىنشا شەبەرلىك ساباقتارىن كورسەتىپ، پراكتيكالىق تاپسىرمالار بەرىلەدى.

شاراعا ءتىل ءبىلىمى جانە جۋرناليستيكا سالاسىنىڭ بىلىكتى ماماندارىمەن قاتار تەلەارنا، راديو، گازەت، سايت تىلشىلەرى مەن سمم مەنەدجەرلەر قاتىسادى. جيىن سوڭىندا قاتىسۋشىلارعا سەرتيفيكات تابىستالادى.

باستالۋى: ساعات 10:00

وتەتىن ورنى: استانا قالاسى، دوستىق  ك-سى 8/1، ForteBank كونفەرەنسيا زالى.