قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ ق ر پارلامەنتى سەناتىنا قايرات پەرنەش ۇلى قوجامجاروۆتىڭ كانديداتۋراسىن باس پروكۋرور لاۋازىمىنا ۇسىندى. بۇل تۋرالى اقوردانىڭ تۆيتتەردەگى پاراقشاسى حابارلادى.
«ق ر پارلامەنتى سەناتى باس پروكۋرور لاۋازىمىنا ۇسىنىلعان قايرات پەرنەش ۇلى قوجامجاروۆتىڭ كانديداتۋراسىن قولدادى»، دەلىنگەن حابارلامادا.
ايتا كەتەيىك، جاقىپ اسانوۆ قازاقستان رەسپۋبليكاسىنىڭ باس پروكۋرورى قىزمەتىنە 2016 جىلدىڭ 26-ساۋىردە تاعايىندالعان بولاتىن.
قايرات قوجامجاروۆ تاراز قالاسىندا 1965 جىلى 24 ناۋرىزدا دۇنيەگە كەلگەن. ا.جدانوۆ اتىنداعى لەنينگراد مەملەكەتتىك ۋنيۆەرسيتەتىن بىتىرگەن.
1987 جىلدان باستاپ 1995 جىلعا دەيىن قازاقستان رەسپۋبليكاسى پروكۋراتۋراسىنىڭ ورگاندارىندا قىزمەت ەتكەن.
1995 جىلعى قىركۇيەكتەن باستاپ 1998 جىلعى ناۋرىزعا دەيىن كەدەن ورگاندارىندا قىزمەتتە بولعان.
1999 جىلعى شىلدەدەن باستاپ وسى ۋاقىتقا دەيىن قارجى پوليسياسى ورگاندارىندا قىزمەت ەتتى.
ءار ءتۇرلى لاۋازىمداردا:
2001 جىلعى اقپاننان باستاپ اگەنتتىكتىڭ تەرگەۋ باسقارماسىنىڭ باستىعى، 2002 جىلعى اقپاننان باستاپ 2004 جىلعى مامىرعا دەيىن الماتى قالاسى بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى (قارجى پوليسياسى) باستىعىنىڭ ورىنباسارى، 2004 جىلعى مامىردان باستاپ 2007 جىلعى قاڭتارعا دەيىن اقتوبە وبلىسى بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى (قارجى پوليسياسى) باستىعى، 2007 جىلعى قاڭتاردان باستاپ 2008 جىلعى جەلتوقسانعا دەيىن قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليسياسى) ءتوراعاسىنىڭ ورىنباسارى بولدى. 2008 جىلعى جەلتوقسان ايىنان باستاپ قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ ءتوراعاسى قىزمەتىن اتقاردى.
2012 جىلعى قاڭتاردان - اقمولا وبلىسىنىڭ اكىمى.
2013 جىلعى قاڭتاردان - ق ر پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى.
2014 جىلى تامىز ايىندا سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ ءتوراعالىعىنا تاعايىندالعان. قارجى پوليسياسىنىڭ گەنەرال-مايورى. ءىI دارەجەلى «داڭق» وردەنىمەن جانە ءبىرقاتار مەدالدارمەن ماراپاتتالعان.
