بۇگىن ۇكىمەت ۇيىندە ق ر پرەمەر-مينيسترى باقىتجان ساعىنتايەۆ «نۇرلى جەر» تۇرعىن ءۇي قۇرىلىسى باعدارلاماسىن ىسكە اسىرۋ ماسەلەلەرى جونىندە كەڭەس وتكىزدى، دەپ جازادى Qamshy.kz اقپارات اگەنتتىگى.

كەڭەس بارىسىندا «نۇرلى جەر» تۇرعىن ءۇي قۇرىلىسى باعدارلاماسىن ىسكە اسىرۋ تەتىكتەرىن جەتىلدىرۋ جانە يپوتەكالىق نەسيەلەندىرۋگە ىنتالاندىرۋ شارالارىن كەڭەيتۋ ماسەلەلەرى تالقىلاندى.  

ايتا كەتنيىك، «نۇرلى جەر» باعدارلاماسى ەلىمىزدە 2017 جىلدىڭ 1 قاڭتارىنان باستاپ ىسكە اسىرىلۋدا.

2017 جىلى «نۇرلى جەر» باعدارلاماسى بويىنشا بارلىعى 10،1 ملن شارشى مەتر نەمەسە 99 مىڭعا جۋىق تۇرعىن ءۇيدى پايدالانۋعا بەرۋ كوزدەلگەن. ونىڭ ىشىندە مەملەكەتتىك ينۆەستيسيالار ەسەبىنەن — 22 545 پاتەر نەمەسە شامامەن 1،5 ملن شارشى مەتر.

بۇگىندە «نۇرلى جەر» باعدارلاماسىنىڭ جىلدىق جوسپارى 87،1%-عا ورىندالعان (8،8 ملن شارشى مەتر نەمەسە 77 مىڭ تۇرعىن ءۇي پايدالانۋعا بەرىلگەن).

وسى جىلدىڭ 10 ايىنىڭ قورىتىندىسى بويىنشا تۇرعىن ءۇي قۇرىلىسى سالاسىندا تۇراقتى ءوسۋ قارقىنى بايقالۋدا.

بارلىعى رەسپۋبليكا بويىنشا 76 743 تۇرعىن ءۇي، سونىڭ ىشىندە: 24 075 جتق (3،7 ملن شارشى مەتر) جانە كپتك-دە 56 668 تۇرعىن ءۇي (5،1 ملن شارشى مەتر) پايدالانۋعا بەرىلگەن.