كييەۆتە سوت "جاڭا كۇشتەر رۋحى" وپپوزيسيالىق قوزعالىسىنىڭ ليدەرى جانە گرۋزيانىڭ بۇرىنعى پرەزيدەنتى ميحايل سااكاشۆيليدى ءۇيقاماققا الۋدان باس تارتتى. وسىلايشا پروكۋراتۋرانىڭ ءوتىنىشىن قابىلدامادى. ساياساتكەردى سوت زالىندا بوساتتى دەپ Qamshy.kz اقپارات اگەنتتىگى ازاتتىققا سۇيەنىپ جازادى.
سااكاشۆيليدى "رەسەيمەن ۋكرايناعا قارسى استىرتىن ءسوز بايلاسىپ، نارازىلىق اكسيالارىن ۇيىمداستىرىپ وتىر" دەپ ايىپتايدى. تەرگەۋ دەرەگى بويىنشا، ساياساتكەر ۋكراينانىڭ ەكس-پرەزيدەنتى ۆيكتور يانۋكوۆيچتىڭ جاقتاستارىنىڭ مۇددەسى ءۇشىن، ەلدە مەملەكەتتىك توڭكەرىس جاساماقشى بولعان.
سااكاشۆيلي بۇل ايىپتاردى تەرىسكە شىعارادى. دۇيسەنبى كۇنى سوت زالىندا ول وزىنە قارسى قوزعالعان قىلمىستىق ءىستى رەسەي پرەزيدەنتى ۆلاديمير پۋتينگە "سىيلىق" دەپ اتادى. بۇل ىسپەن اينالىسۋشىلاردىڭ ءبارى "فسب اگەنتى" دەپ اتاپ ءوتتى سااكاشۆيلي.
Saakashvili Appears In Court In Kyiv (Clean) https://t.co/HbGzCVUAIv
— قامشى اا (@qamshy) December 12، 2017
سوت شەشىمى شىققاننان كەيىن ساياساتكەر "ولاردا [پروكۋرورلار – رەد.] مەنى ۋكراين ساياساتىنان الشاقتاتۋ تۋرالى تاپسىرما بەرىلگەن. ءبىراق مەن حالىقپەن تىكەلەي بايلانىسۋعا داعدىلانعانمىن ءارى جالعاستىرا بەرەمىن" دەپ مالىمدەدى. گرۋزيا ەكس-پرەزيدەنتىنىڭ جاقتاستارى كييەۆتە 17 جەلتوقساندا ميتينگ وتكىزەتىنىن جاريالادى.
8 جەلتوقساننان بەرى ميحايل سااكاشۆيلي ۋكراينا قاۋىپسىزدىك قىزمەتىنىڭ اباقتىسىندا وتىرعان. جەكسەنبىدە كييەۆتە ساياساتكەردى قولداپ، مىڭداعان حالىق كوشەگە شىقتى.
