قاراعاندى وبلىسىنداعى شاحتالاردا جۇمىس ىستەيتىن 200-گە جۋىق كەنشى جەلتوقساننىڭ 11ء-ى تۇنگى اۋىسىم اياقتالعاننان كەيىن، "ءتورت شاحتاداعى جۇمىسشىلاردىڭ ءبىر بولىگى جۇمىس ورنىنان كەتۋدەن باس تارتقان"، دەپ Qamshy.kz اقپارات اگەنتتىگى ازاتتىققا سۇيەنىپ جازادى.
كومىرشىلەردىڭ «قورعاۋ» كاسىپوداعى جەتەكشىسى مارات ميرعايازوۆ كەلىسسوزدەر ءجۇرىپ جاتقانىن ايتتى. ونىڭ سوزىنشە، شاحتەرلەردىڭ جۇمىس بەرۋشىگە بىرنەشە تالابى بار، ونىڭ نەگىزگىسى - جالاقىنى 100 پايىز كوبەيتۋ.
شاحتالاردىڭ يەسى «ارسەلورميتتال تەمىرتاۋ» كومپانياسى مۇنىڭ "جۇمىسشىلاردىڭ رۇقسات ەتىلمەگەن اكسياسى" ەكەنىن حابارلادى.
«ارسەلور ميتتال تەمىرتاۋ» جۇمىسشىلارى جالاقىنى كوبەيتۋ ماسەلەسىن بۇرىن دا بىرنەشە رەت كوتەرگەن. 2017 جىلى تامىز ايىندا قاراعاندى وبلىسىنىڭ مەتاللۋرگتەرى مەن شاحتەرلەرى جالاقىلارىن 30 پايىز كوبەيتۋدى تالاپ ەتكەن.
