شىمكەنت قالاسىندا «ايەل جانە بيزنەس» فورۋمى ءوتتى. اتالعان جيىنعا ءتۇرلى سالادا جەتىستىككە جەتىپ جۇرگەن ايەلدەر كەلىپ، ءوز تاجىريبەلەرىمەن ءبولىستى، دەپ حابارلايدى Qamshy.kz اقپارات اگەنتتىگى. 

ەلباسىنىڭ حالىققا جولداعان ءۇشىنشى ۇندەۋى : جاھاندىق باسەكەگە قابىلەتتىلىك بولسا، بۇل ۇندەۋ ايەلدەر قاۋىمىن دا بەي-جاي قالدىرمادى.  اتالعان فورۋمدا ايەلدىڭ قوعامداعى ورنى مەن، بيزنەستەگى جەتىستىكتەرى ءسوز بولدى.

فورۋم بارىسىندا ءوز ءىسىن دامىتۋعا نيەت بىلدىرگەن بولاشاق كاسىپكەر ايەلدەرگە قارجىلاي كومەك كورسەتىلەتىنى ايتىلدى. ەڭ تومەنگى قارجى 700 مىڭدى قۇراپ وتىر. فورۋم اياسىندا كاسىپكەرلەر پالاتاسى مەن اتامەكەن ىسكەر ايەلدەر كەڭەسى ءوز ءىسىن باستادى.

ال «ايەل جانە بيزنەس» فورۋمىنىڭ ماقساتى اۋدان كولەمىندەگى بارشا ايەلدەر قاۋىمىنىڭ باسىن قوسىپ، قوعامداعى بەدەلىن ارتتىرۋ.

فورۋم بارىسىندا ءال-فارابي اۋدانى اكىمدىگى مەن ىسكەر ايەلدەر كەڭەسى اراسىندا قارىم-قاتىناستىق مەماراندۋمعا قول قويىلدى. ەكى جاق بىرلەسىپ، قازىرگى قالاداعى ايەلدەردى تولعاندىرىپ جۇرگەن ماسەلەلەرىن تىڭداپ، شاعىن جانە ورتا بيزنەستى قولدايتىنىن جەتكىزدى.

سونداي-اق، فورۋمدا ايەلدەر كاسىپكەرلىگىن دامىتۋ جولدارى عانا ەمەس، قارجىلىق ساۋاتتىلىقتى ارتتىرۋ تاسىلدەرى دە ءسوز بولدى. بۇل جونىندە ەۋروپالىق قايتا قۇرۋ جانە دامۋ بانك وكىلى ماحاببات كابيرايەۆا مالىمدەدى. وڭتۇستىكتە 60 مىڭعا جۋىق ايەل جەكە كاسىپكەر اتانعان. ال ولاردىڭ بيزنەس الەمىندەگى ماقساتىن جۇزەگە اسىرۋ ءۇشىن وسىنداي فورۋمدار ءجيى وتكىزىلەتىن بولادى.