ناۋرىزباي اۋدانىنىڭ باسشىسى سايران تاپەن ۇلىنىڭ الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگتە بەرگەن اقپاراتىنا سۇيەنسەك، اۋدان اۋماعىندا ەلەكتر جارىعىمەن قامتاماسىز ەتەتىن 512 ترانسفورماتور قوندىرعىلارى بار دەپ حابارلايدى Qamshy.kz اقپارات اگەنتتىگى. ونىڭ ىشىندەگى 138 «الاتاۋ جارىق كومپانياسى» اق تەڭگەرىمىندە، 356 جەكە قولدانىستا، 6 ترانسفورماتور قوندىرعىسى، 2017 جىلى سوتتىڭ شەشىمىنە سايكەس يەسىز دەپ تانىلدى.

ترانسفورماتور قوندىرعىلارىنىڭ جاعدايى بۇگىنگى كۇندە قاناعاتتانارلىقسىز، ەسكىرگەن، توزۋ كورسەتكىشى 70% قۇرايدى. اعىمداعى جىلى «الاتاۋ جارىق كومپانياسى» اق كۇشىمەن 10 ترانسفورماتور قوندىرعىسىنا كۇردەلى جوندەۋ جۇمىستارى جۇرگىزىلدى، اعىمداعى جىلى جوندەۋ جۇمىستارى 28 ترانسفورماتور قوندىرعىسىنا جۇرگىزىلدى جانە 1 ترانسفورماتور قوندىرعىسى اۋىستىرىلدى.

سونىمەن قاتار، اۋدان باسشىسى اتاپ وتكەندەي، اۋدان اۋماعىنداعى ەلەكتر جەلىلەرىنىڭ ۇزىندىعى 678،2 شاقىرىم قۇرايدى، ونىڭ 179،4 شاقىرىمى «الاتاۋ جارىق كومپانياسى» اق تەڭگەرىمىنە، 498،8 شاقىرىم جەكە قولدانىستا. ەلەكتر جەلىلەرىنىڭ توزۋ كورسەتكىشى 63% قۇرايدى. ەلەكتر جەلىلەرىندە ورىن الاتىن ىركىلىستەردى تومەندەتۋ ماقساتىندا «الاتاۋ جارىق كومپانياسى» اق كۇشىمەن 1162 ەلەكتر باعاندارى قايتا قۇرىلىمدالىپ، ۇزىندىعى 12،022 شاقىرىم ەلەكتر جەلىلەرى جۇرگىزىلگەنى جايلى جانە باسقا دا تىڭ اقپاراتتارمەن ءبولىستى اۋدان اكىمى سايران سايفەدەنوۆ ءوز سوزىندە.

ناۋرىزباي اۋدانىندا تۇرعىنداردى اۋىز سۋمەن قامتۋ كۇردەلى ماسەلەنىڭ ءبىرى رەتىندە كۇن تارتىبىنەن تۇسپەگەن. سۋ جەلىلەرىندە جىلىنا 300-گە دەيىن اپات بولعان. 

بۇل تۋرالى اۋدان اكىمى سايران سايفەدەنوۆ ايتتى.

بۇگىن الماتى قالاسىنىڭ وڭىرلىك كوممۋنيكاسيالار قىزمەتى الاڭىندا الماتى قالاسى، ناۋرىزباي اۋدانىنىڭ اكىمى سايران سايفەدەنوۆ اۋدانداعى الەۋمەتتىك-ەكونوميكالىق دامۋدىڭ ناتيجەلەرى،  اۋدان ورتالىقتارىندا «رۋحاني جاڭعىرۋ» باعدارلاماسىنىڭ ىسكە اسىرىلۋ بارىسى تۋرالى مالىمدەدى.

اۋدان اكىمى 2017 جىلدىڭ 11 ايى، ءارى اۋدان اشىلعان 3 جىلدىڭ ىشىندە اتقارىلعان جۇمىستارمەن قاتار، كۇردەلى تاقىرىپتاردى دا ءسوز ەتتى.

«تۇرعىنداردى اۋىز سۋمەن قامتۋ  تۇيتكىلدى ماسەلەلەردىڭ ءبىرى بولىپ وتىر. سۋ جەلىلەرىندە جىلىنا 300 اپات بولادى. سۋ جەتىسپەيتىنىنە تۇرعىندار نارازى. سۋ جەلىسىن جۇرگىزۋ بويىنشا جوبا ازىرلەندى. وسى جىلدىڭ اياعى مەن الداعى جىلدىڭ باسىندا مەملەكەتتىك ساراپتاماعا بەرىلەدى. قارعالى، اقساۋ وزەندەرىنىڭ باسىندا سۋ تازالاۋ ستانساسى سالىنادى. «بارلىق» بازارى جانىندا ۇلكەن ۇڭعارناما قازۋ جۇمىستارى ءجۇرىپ جاتىر. اۋداندا 2014 جىلدان بەرى 118 شاقىرىم جول سالىندى. كەيبىر ەلدى مەكەندەرگە الداعى ۋاقىتتا سۋ جەلىلەرى ءۇشىن قازبا جۇمىستارى جوسپارلانىپ وتىرعاندىقتان اسفالت كىرمەي وتىر»، - دەدى اۋدان اكىمى.