شىمكەنتتە پيروتەحنيكالاردان كەلەتىن ءورت قاۋىپسىزدىگىنىڭ الدىن الۋ ماقساتىندا شىمكەنت قالاسى تجب ماماندارى باس قوستى، دەپ حابارلايدى Qamshy.kz اقپارات اگەنتتىگى. 

داعدارىس ورتالىعىندا وتكەن جيىنعا مامانداردىڭ ءتورت كوزى تۇگەل جينالدى. جاڭا جىلدى قارسى الاردا پاتەرلەردە، جەكە تۇرعىن ۇيلەردە بەنگال وتىن جاقپاۋ تۋرالى ەسكەرتۋلەر جاسالدى. 

سونىمەن قاتار،  وت شاشۋلاردى ساۋدالايتىن ساۋداگەرلەر دە زاڭسىزدىققا جول بەرمەۋى ءتيىس. ال مۇنداي دەرەك تىركەلمەس ءۇشىن، جاۋاپتى قىزمەتكەرلەر تەكسەرۋ جۇمىستارىن كۇشەيتپەك.

شىمكەنت قالاسى تجب باس مامانى نۇرداۋلەت بەكسەيىتوۆ قاۋىپسىزدىك ەرەجەلەرىمەن تانىستىردى. ونىڭ ىشىندە، شىرشانىڭ بەكىتىلۋى جايىندا ايتىلىپ، شىرشا ماڭىنداعى ەلەكتر سىمدارىن ارنايى ماماندار قوسىپ، ءوشىرۋى كەرەك دەلىنگەن. 

ايتا كەتۋ كەرەك، بىلتىر پيروتەحنيكانى پايدالانۋ كەزىندە ەشقانداي وقىس جاعدايلار تىركەلمەگەن.