«جاس وتان» جاستار قاناتىنىڭ جامبىل وبلىستىق فيليالى الەۋمەتتىڭ جۇگىن كوتەرەر «ازاماتتىق باقىلاۋ» دەگەن جوبانى جۇزەگە اسىرىپ جاتىر دەپ حابارلايدى Qamshy.kz اقپارات اگەنتتىگى. بۇل مەملەكەتتىك قىزمەت ىستەرى جانە سىبايلاس جەمقورلىققا  قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىنىڭ الەۋمەتتىك تاپسىرىسى بويىنشا قولعا الىنىپ وتىر. ءقازىردىڭ حالىققا قىزمەت كورسەتۋدىڭ مامانداندىرىلعان ورتالىعىندا «قوعامدىق قابىلداۋ» بولمەلەرى اشىلدى. وبلىس تۇرعىندارىنا مەملەكەتتىك قىزمەت جانە سىبايلاس جەمقورلىققا قارسى كۇرەس تۋرالى زاڭنامالار اياسىندا  كەڭەستەر بەرىلىپ، تيىسىنشە كومەك كورسەتىلدى.

ناقتىراق ايتساق، جوبا شەڭبەرىندە وبلىس اۋماعىنداعى 2000-نان اسا تۇرعىنعا ءتۇرلى كەڭەستەر بەرىلگەن. حالىققا قىزمەت كورسەتۋ ورتالىقتارى 3000-داي مەملەكەتتىك قىزمەتتەردى كورسەتەتىنىن ەسكەرسەك، قوعامدىق قابىلداۋ بولمەسىنىڭ اشىلعانى سىبايلاس جەمقورلىق فاكتىلەرىنىڭ ازايۋىنا بىردەن-بىر سەبەپ.  سونىمەن قاتار، «ازاماتتىق باقىلاۋدىڭ» اياسىندا «جاسىرىن ساتىپ الۋشى»، «تازا سەسسيا»، «پاراسىز بولاشاققا» اكسيالارىمەن جامبىل وبلىسىنداعى بارلىق مەملەكەتتىك مەكەمەلەر، ەمحانالار، وقۋ ورىندارى جانە جەكەمەنشىك مەكەمەلەرىن كەزدەسۋ، سەمينارلار وتكىزىلدى.