شقو اكىمدىكتە اعىمداعى جىلعى ىشكى اۋديت قورىتىندىلارى تالقىلاندى. ايتا كەتۋ كەرەك، ايماق باسشىسىمەن سايكەستىك اۋديتتەن وتكىزۋ ءۇشىن 52 نىساندى ماقۇلدانعان دەپ حابارلايدى Qamshy.kz اقپارات اگەنتتىگى. كەزدەسۋ بارىسىندا وبلىس اكىمى دانيال احمەتوۆ بۇل باعىتتاعى جۇمىستىع تيىمدىلىگىن اتاپ ءوتتى جانە ارى قاراي جەتىلدىرۋدى تاپسىردى.

اعىمداعى جىلدىڭ 11 ايىندا 47 نىساندا ىشكى تەكسەرۋ ءوتتى.  ناتيجەسىنە سايكەس، ءبىرقاتار مەكەمەدە بيۋدجەت قاراجاتى ءتيىمسىز، نەگىزسىز پايدالانىلعانى انىقتالدى. ماسەلەن، جىل ارناسىندا 25 ءبىلىم بەرۋ مەكەمەسىندە 1،1 ملرد. تەڭگە جانە 13 دەنساۋلىق ساقتاۋ ۇيىمىندا 3،3 ملرد. تەڭگە مولشەرىندە قارجىلىق بۇزۋشىلىقتار انىقتالدى. تەكسەرۋ ناتيجەسىندە ولار 100% قالپىنا كەلتىرىلىپ، 15 مالىمەت ۋاكىلەتتى ورگانعا بەرىلدى. اۋديتورلار انىقتاعان ولقىلىقتار ەسكەرىلىپ، ولاردىڭ قايتالانۋىنا جول بەرمەۋ ءۇشىن ارنايى شارالار قولعا الىندى.

جيىن قورىتىندىسى بويىنشا وبلىس باسشىسى دانيال احمەتوۆ بۇزۋشىلىقتىڭ الدىن-الۋ ماقساتىندا اۋديتورلىق قىزمەتكە كوشتىڭ باسىندا ءجۇرىپ، جول كورسەتۋدى تاپسىردى.

- مەملەكەتتىك ورگانداردا قۇجات بويىنشا كەتكەن بۇزۋشىلىقتاردىڭ سەبەبى مەن سالدارى بارلىق باسشىلارعا بەلگىلى بولۋى ءۇشىن تەكسەرۋ جۇيەسىن قۇراستىرۋ قاجەت. ونىڭ ناتيجەسىندە كەمشىلىكتەردى بولدىرماۋعا، الدىن-الۋعا مۇمكىندىك بەرەتىن ناقتى باعدارلامانى ازىرلەۋ كەرەك. بۇل ماڭىزدى پروفيلاكتيكالىق ەلەمەنت بولىپ سانالادى. سەبەبى كەيدە باسشىلار بىلمەستىكتەن نەمەسە باسقا دا سەبەپتەرمەن بۇزۋشىلىقتارعا جول بەرەدى، - دەدى شقو اكىمى دانيال احمەتوۆ.

تىلگە تيەك ەتسەك، شىعىس قازاقستان ىشكى اۋديت قىزمەتىنىڭ بارلىق كورسەتكىشى بويىنشا رەسپۋبليكادا ۇزدىك. بۇل البەتتە، اتالعان باعىتتاعى ءىستىڭ تيىمدىلىگىن ايعاقتايدى.