شىمكەنت قالاسىندا «قالا داۋىسى» بايقاۋىنىڭ ىرىكتەۋ كەزەڭى اياقتالدى، دەپ جازادى Qamshy.kz اقپارات اگەنتتىگى. 

جاس بۇلدىرشىندەر اراسىنداعى بايقاۋدا باسەكەلەستىك باسىم بولىپ، تالانتتىلار ءوزارا سىنعا ءتۇستى. بارلىق قاتىسۋشىلار جەڭىستى قولدان بەرمەۋ ءۇشىن بارىن سالدى.

«ونەرلى مىڭدى جىعادى» دەمەكشى بولاشاققا باتىل قادام جاساپ، زەرەكتىگىمەن تانىلعان جاستار ارامىزدا كوپ. ولاردىڭ قاتارىندا 13 جاستاعى زارينا نۇرجانوۆا بار. 1،5 جىلدان بەرى ءان ۇيىرمەسىنە قاتىسىپ جۇرگەن ونەرپاز از ۋاقىتتىڭ ىشىندە ءوز ونەرىن شىڭداپ، نامىستى قولدان بەرمەدى.

ونەرپازداردىڭ اراسىندا 14 جاستاعى نۇراي جانزاقوۆا دا بار. ەرەكشە داۋىسىمەن ەلىتىپ، ەلىكتىرىپ اكەتەتىن تالانت يەسى قازىلار القاسىنىڭ دا نازارىنان تىس قالمادى. «جۇرەكتەن شىققان ءسوز جۇرەككە جەتەتىنىن» دالەلدەپ، ءوزىنىڭ ەشقانداي ۇيىرمەگە قاتىسپاي- اق ناعىز تابيعي تالانت ەكەنىن تانىتتى.

ءوز كەزەگىندە قازىلار القاسى دا بولام دەگەن بالالاردىڭ بەلىن بۋىپ، ماقتاۋ ماراپاتتارىن جولدادى.