بۇگىن الماتى قالاسىندا قاتىقبايەۆا اتىنداعى № 168 مەكتەپ-گيمنازيا قابىرعاسىندا («كوكتوبە» ىقشام اۋدانى، ز.كوسمدەمياەسكايا، 69) الماتى قالاسى اكىمىنىڭ اپپاراتى باسشىلىعىنىڭ قاتىسۋىمەن «رۋحاني جاڭعىرۋدىڭ تىرەگى – ءتىل» اتتى بايقاۋدىڭ سالتاناتتى ماراپاتتاۋ ءراسىمى ءوتتى.

ەلىمىزدىڭ ۇلى تاۋەلسىزدىك كۇنى قارسانىڭدا الماتى قالاسى اكىمى بايبەك باۋىرجان قىدىرعالي ۇلىنىڭ قولداۋىمەن، «كوكتەم Group LTD» ج ش س ديرەكتورى مۇرات ءادىلحان ۇلىنىڭ دەمەۋىمەن 2017 جىلعى جەلتوقسان ايىنىڭ 4-12 كۇندەرى ارالىعىندا الماتى قالاسى مەكتەپتەرىنىڭ قازاق ءتىلى مەن ادەبيەتى ءپانى مۇعالىمدەرى اراسىندا قاسىل قاتىقبايەۆا اتىنداعى №168 مەكتەپ-گيمنازياسىندا «رۋحاني جاڭعىرۋدىڭ تىرەگى – ءتىل» بايقاۋى وتكىزىلگەن بولاتىن.

ايتا كەتەر بولساق، بايقاۋدىڭ ماقساتى مەن مىندەتتەرى تومەندەگىدەي بولعان:

• مەملەكەتتىك ءتىل قولداۋ ساياساتىن ارتتىرۋدى ناسيحاتتاۋ، قازاق ءتىلى مەن ادەبيەت ءپانى مۇعالىمدەرىنىڭ قوعامدىق مارتەبەسى مەن بەدەلىن ارتتىرۋ.
• قازاق ءتىلى مەن ادەبيەت ءپانى مۇعالىمدەرىنىڭ كاسىبي شەبەرلىگىن شىڭداۋ، تالانتى پەداگوگتاردى انىقتاۋ، ولاردى قولداۋ جانە ماراپاتتاۋ؛
• مۇعالىمدەردىڭ شىعارماشىلىق مۇمكىندىكتەرىن اشۋ جانە ءوزىن-وزى تانىتۋىنا جاعداي تۋعىزۋ؛
• قازاق ءتىلى ءپانى ماماندىعىنىڭ بەدەلىن كوتەرۋ، ولاردىڭ وزىق تاجىريبەلەرىن تاراتۋ بولىپ تابىلادى.

«رۋحاني جاڭعىرۋدىڭ تىرەگى – ءتىل» بايقاۋىنا بارلىق جالپى ءبىلىم بەرۋ ۇيىمدارىنداعى قازاق تىلىندە وقىتىلاتىن قازاق ءتىلى مەن ادەبيەت ءپانى مۇعالىمدەرى قاتىسىپ، قالامىزدىڭ 8 اۋدانىنان وزىپ شىققان 3 ۇمىتكەردەن، بارلىعى 24 ۇمىتكەر ءوز قۇجاتتارىن ءۇسىنۋ مۇمكىندىگىن الدى.

الماتى قالاسى ءبىلىم باسقارماسىنىڭ باسشىسى راحات سەيداحمەتوۆنا شيماشيەۆانىڭ بۇيرىعىمەن ءادىل قازىلار القاسى تاعايىندالدى: ءتوراعاسى ءجۇنىسوۆا مايرا ابيبۋللا قىزى – اباي اتىنداعى قازۇپۋ دوسەنتى، فيلولوگيا عىلىمدارىنىڭ كانديداتى، ۇزدىك وقىتۋشىسى – 2016 مەملەكەتتىك گرانتىنىڭ يەگەرى.

ءتوراعانىڭ ورىنباسارى شيماشيەۆا راحات سەيداتمەت قىزى - الماتى قالاسى ءبىلىم باسقارماسىنىڭ باسشىسى، تاريح عىلىمدارىنىڭ كانديداتى. قازىلار القاسىنىڭ مۇشەلەرى – ميرازوۆا اياگۇل تورە قىزى قازاقستاننىڭ ەڭبەك ەرى، الماتى قالاسىنىڭ قۇرمەتتى ازاماتى، ارداگەر ۇستاز، الماتى قالاسى ديرەكتورلار كەڭەسىنىڭ ءتورايىمى ءادىلحانوۆ مۇرات ءادىلحان ۇلى – الماتى قالاسى ءماسليحاتىنىڭ دەپۋتاتى، Koktem Group LTD ج ش س ديرەكتورى، مەسەنات، بايقاۋدىڭ دەمەۋشىسى، قالىمبەت باقىت ءابيىر ۇلى - الماتى قالاسى تىلدەردى دامىتۋ باسقارماسىنىڭ ءبولىم باسشىسى، تەمۋربايەۆا سافۋرا سالەمباي قىزى №140 گيمنازيانىڭ قازاق ءتىلى مەن ادەبيەتى ءپانىنىڭ ءمۇعالىمى، رەسپۋبليكالىق «ۇزدىك پەداگوگ – 2015» بايقاۋىنىڭ جەڭىمپازى، رىسكەلدييەۆا گۇلميرا داۋلەت قىزى №62 گيمنازيانىڭ قازاق ءتىلى مەن ادەبيەتى ءپانىنىڭ ءمۇعالىمى، رەسپۋبليكالىق «ۇزدىك پەداگوگ – 2015» بايقاۋىنىڭ جەڭىزپازى بولىپ تابىلادى.

اتالمىش بايقاۋ بايقاۋ 3 كەزەڭ بويىنشا وتكىزىلگەن بولاتىن:

وقۋ ساۋاتتىلىعى: «ساۋاتتىلىقتىڭ شىڭى - تۇسىنىك!» دەگەن اتاۋمەن ءوتتى. كەزەڭڭىڭ ماقساتى، قاتىسۋشىلاردىڭ كوسىبي ءبىلىم بىلىك داعدىلاردىڭ، پەداگوگيكالىق پسيحولوگيالىق جانە پاندىك، ءبىلىم مازمۇندارىن انىڭتاۋ كومپتەر ارقىلى تەست الۋ فورماسىندا وتكىزىلدى. ەڭ جوعارعى ۇپاي سانى 40 سۇراققا 40 ۇپاي بەلگىلەندى.

ەسسە جازۋ: «ەسسە – شىعارشىلىق ويدىڭ جەمىسى» دەپ اتالدى. قاتىسۋشىلار ۇسىنىلعان 4 تاقىرىپتىڭ بىرەۋىن تاڭداپ الىپ ەسسە جازدى. تاقىرىپ بويىنشا ەسسە جازۋ ۋاقىتى 60 مينۋتقا بەلگىلەندى. ويى ورامدى، مازمۇنى لايىقتى دەپ تاڭىلعان ەسسەگە 50 ءۇپاي بەرىلدى.

ءوزىن-وزى تانىستىرۋ: «ءبىلىم بەرۋ جۇيەسىندەگى مەنىڭ ءپانىم جانە مەن!» بۇل كەزەڭدە قاتىسۋشىلار 3 مينۋت ۋاقىتتا، ءوز بەينە روليكتەرىن ۇسىنا وتىرىپ، ارى قاراي ءوزىنىڭ ءبىلىم جۇەيسىندەگى، ءپاندى مەڭگەرتۋ جاعاشىلىقتارىن تانىستىرۋعا مۇمكىندىك الدى.