باياعىدا ءبىر قاتىگەز پاتشا ءارى باي بولىپتى. ءبىراق ول پاتشا سونداي اۋىرادى ەكەن. جۇرەگى قوبالجىپ، تىنباي دىرىلدەپ تۇراتىن دەرتكە شالدىعىپتى. ءبىر كۇنى الگى پاتشاعا ءبىر وتاشى-ەمشى كەلىپ:– مەن سەنىڭ دەرتىڭدى ەمدەيمىن، سەن مەنىڭ ايتقانىمدى قىلا الساڭ – دەپتى. پاتشا:-تالاي سەن سياقتى ەمشىلەر ەمدەيمىن دەپ باسىنان ايىرىلدى. سەن نە ايتساڭ دا اۋرۋىمنان ايىعۋ ءۇشىن جاسايمىن – دەپتى. سوندا وتاشى-دارىگەر:ء-بىر سۇلۋ جاپ-جاس 15-16 جاستاعى جىگىتتىڭ قانىن جىلىداي ىشسەڭ، دەرتىڭنەن قۇلان تازا ايىعىپ كەتەسىڭ،-دەپتى. پاتشا: —ول وڭاي عوي، – دەپ قىزمەتكەرلەرىنە سۇلۋ جاس جىگىت تاۋىپ اكەلۋدى بۇيىرىپتى. قىزمەتكەرلەرى ەرتەڭىندە-اق ءبىر كەدەي شال مەن كەمپىردىڭ 16 جاستاعى بالاسىن الىپ كەلىپتى. پاتشا شال مەن كەمپىرگە:—،مەن اۋرۋىمنان ايىعۋىم ءۇشىن سەندەردىڭ ۇلدارىڭنىن قانىن ءىشۋىم كەرەك، ەكى قاپ التىن بەرەم؟ ەكى قاپ التىن بەرەم؟- دەپ سۇراپتى. شال مەن كەمپىر پاتشانىن زۇلىمدىعىنان قورقىپ رازىلىقتارىن ءبىلدىرىپتى. كەيىن پاتشا قازىنى شاقىرىپ:—مەن مىنا جىگىتتىڭ قانىن ىشپەكپىن، مۇنىڭ دىنىمىزدەگى ءپاتۋاسى قالاي؟-دەپ سۇراپتى. قازى:ء-امىرشىم، ءسىز ءۇشىن بۇل ادال عوي دەپ – ءپاتۋاسىن بەرىپتى. ءسويتىپ قاساپشىنى شاقىرىپ جىگىتتى الىپ كەتەيىن دەپ جاتسا، جاس جىگىت جوعارى قاراپ سونداي ەگىلىپ جىلاپ تۇر ەكەن. پاتشا:—ءاي، جىگىت سونشا نەگە ەگىلىپ جىلاپ تۇرسىڭ،-دەپ سۇراپتى. جىگىت:—ءاي، حان يەم! مەن انا شال مەن كەمپىردىڭ قۇدايدان تىلەپ العان جالعىزى ەدىم. ولار مەنەن كەيىن ەندى پەرزەنت كورمەيدى. ءبىراق ولار مەنى ەكى قاپ التىنعا ساتىپ جىبەردى. ادام بالاسى جەر بەتىندە مۇڭىن ايتىپ ادىلدىكتى قازىدان كۇتەدى. ءبىراق مىنا قازى سىزدەن قورقىپ مەنىڭ قانىمدى ءىشۋىڭىزدى ادال دەپ ءپاتۋا بەردى. ول قۇدايدان قورقىپ ءپاتۋا بەرگەن جوق ول سىزدەن قورقىپ ءارى مانسابىنان ايىرىلىپ قالماۋ ءۇشىن جالعان ءپاتۋا بەردى. ادام مۇڭىن پاتشاعا ايتادى، ءبىراق ءسىز مەنەن گورى ءوز جانىڭىزدى ارتىق كورىپ تۇرسىز. سول سەبەپتى مەن بۇكىل الەمدەرىڭ راببىسىنا مۇڭىمدى ايتىپ جىلاپ تۇرمىن، – دەيدى. سوندا پاتشانىڭ جۇرەگى ءجىبىپ:—بارا بەر بوسسىڭ، ەكى قاپ التىندى سەندەرگە بەرگەن ساداقام بولسىن – دەپ اينالىپ كەتە بەرگەندە جۇرەگىنىڭ سوعۋى ادەتتەگى سوعۋىنان وزگەرىپ، قوبالجۋى، ءدىرىلى جوعالىپ تىنىشتالىپ قالىپتى. 
ساداقا مەن جاقسىلىق جۇرەكتى تىنىشتاندىرادى.