2016 جىلدىڭ شىلدەسىنەن باستاپ تۇركيادا بولعان توڭكەرىستەن كەيىن تۇرمەدە، قاماۋدا بولعان 60-قا جۋىق ادام بۇگىنگە دەيىن انىقتالماعان سەبەپتەرمەن كوز جۇمدى. كەمىندە 10 ادام ۇرلاندى. قازىرگى ۋاقىتتا تەرگەۋ يزولياتورلارىندا 17 مىڭ ايەل مەن 700 بالا وتىر. بۇل تۋرالى Open news پورتالى حابارلادى. 

حالىقارالىق قۇقىققورعاۋ ۇيىمدارىنىڭ باياندامالارىندا كۇدىكتىلەرگە قاتىستى ازاپتاۋ فاكتىلەرى تۋرالى ءجيى ايتىلدى. جاعدايدىڭ ۋشىعىپ كەتكەنىنە، ءارى كۇردەلىلىگىنە قاراماستان بيلىكتىڭ سويىلىن سوعاتىن جۋرناليستەر دجەم كۋچۋك پەن فۋات ۋگۋر مۇنىڭ جەتكىلىكسىز ەكەنىن ايتتى. ولار تەرگەۋدەن باس تارتقانداردىڭ وتاسىن ءولتىرۋ كەرەك دەگەن ۇسىنىس تاستادى. ال ايىپتىلاردى ورامالدارمەن تۇنشىقتىرىپ، تۇبىندە وز-وزدەرىنە قول جۇمسادى دەگەنگە كەلتىرۋ كەرەك دەيدى. 

بۇل تۋرالى جۋرناليستەر TGRT Haber ارناسىنداعى باعدارلاما بارىسىندا مالىمدەدى. ولار پروكۋرورلاردىڭ «جەتكىلىكتى تۇردە جۇمىس ىستەمەيتىندەرىن» سىناپ، حيزمەت قوزعالىسىن جاقتاۋشىلارعا قاتىستى قاتاڭ جازا قولدانۋعا شاقىردى. ءوز سوزىندە كۋچۋك قانداي شارالار قولدانۋعا بولاتىنى جايلى ويلانۋ كەرەكتىگىن ايتتى. «17-25 جەلتوقسانعا قاتىسى پوليسەيلەر رەسەي مەن يزرايلدە تۇراتىن بولسا، ولاردى ءولىم كۇتەر ەدى. ءبىز ءوزىن-وزى ءولتىرۋ ءۇشىن جاسالعان جاپپاي قىرىپ-جويۋ ارەكەتىنە كۋا بولار ەدىك. ولاردى اياۋدىڭ قاجەتى جوق!» - دەدى دجەم كۋچۋك.

جۋرناليست ءتىپتى موسساد قولدانعان ونداي تەحنيكانىڭ بىرىنەن مىسال دا كەلتىردى. «ارنايى قىزمەتكەرلەر وزدەرىنە جۇمىس ىستەۋدان باس تارتقان پالەستينالىق وتباسىلاردىڭ مۇشەلەرىن بىر-بىردەن ءولتىرىپ وتىرعان»، - دەدى كۋچۋك.

«ونداي بولسا، نەنى كۇتەمى؟ز»، - دەپ ارىپتەسىنىڭ ءسوزىن قوستادى فۋات ۋگۋر. گەنوسيدتىك ارەكەتتى ءوزىنىڭ دە قولدايتىنىن ءبىلدىردى.