ءسۇيىپ تىڭدايتىن ءانشىم قايرات نۇرتاستىڭ جاڭا ءانىن اندەتىپ وتىرىپ ەستىگەننەن كەيىن، بىردەن قايراكەڭنىڭ قالتا تەلەفونىننا قوڭىراۋ تاستادىم. -اسسالاۋماعاليكوم، قايرەكە! -بۇل كىم؟ مەن قايراتتىڭ اناسىمىن، - تەلەفوننان شىققان داۋىستى ەستىپ "سەلىك" ەتە قالدىم. - نە عوي، تىم قۇرىعاندا تەلەفونىن وزىنە بەرسەڭىزشى... اقىماق باسىماي، اقىلدىعا اقىل ۇيرەتىپ نەم بار ەدى. ودان دا شارۋاما كوشەيىن دەگەن ويعا كەلدىم. اڭگىمەنىڭ باسى بىلاي ەدى. جاقىن ارادا شىققان قايراتتىڭ جاپ-جاڭا ءانى "مەن ورالامىن" توڭىرەگىندە. بۇل ءاندى 50 رەت ەستىگەن شىعارسىزدار. مەن ءبىر رەت ەستىپ قايرەكەڭە ۇسىنىس تاستادىم. قابىلداۋ-قابىلداماۋ اق ماماسىنىڭ ەنشىسىندە ەكەن. ۇسىنىسىم مىناۋ: ءبىر ەستىگەننەن ادامنىڭ دەلەبەسىن قوزدىرىپ، وكشەسىن توزدىراتىن وسىناۋ "مەن ورالامىن" ءانىن بىردەن "مەن ورالمانمىن" دەپ وزگەرتسەك  «نۇرلى كوش» ساياساتىنا زور سەرپىن بەرەرى داۋسىز. ۇسىنىسىم قايراتتىڭ ماماسى جاعىننان تالقىلانۋ ۇستىندە، الدا تاعى ەكى جاقتىلى كەلىسسوزدەر جۇرگىزبەكپىز. سويتسەدە تىنىمسىز باسىم تاعات قىلماي ءان ءماتىنىن سىزدەرگە ۇسىنىپ وتىرمىن. "ءاۋ" دەمەيتىن قازاق  جوق،  "ءاۋ" دەپ وتىرىڭىزدار قايرەكەڭنىڭ اۋەنىمەن.

بەرى كوشتىم، بەرىلدى تىركەۋ دەگەن ماعان بەس كۇن. ءدال مەنىڭ تۇسىنبەدى-اۋ ءحالىمدى ەشكىم، سوققى بوپ سول تىركەۋسىز شاعىم ماعان. بەرى كوشتىم. بىلەرسىڭ كوشكەنىمدى يا بىلمەسسىڭ، بىلمەسەڭ كوشكەنىمدى زارىم جەتسىن، الالماي ازاماتتىق جولداعان.

مەن ورالام. ەلىم ساعان، سالت-سانا بوپ عايىپ بولاتىن تاڭدا. مەن ورالمان. بولىپ قازاق، كۇن كەشەمىن تەك قازاقيادا عانا. بەرى كوشتىم. ايتەۋبىر كوشكەنىمە وكىنبەسپىن. بەرسىن دەپ كۆوتاڭدى وتىنبەسپىن، بيلىكتىڭ الماعايىپ شاعىندا. بەرى كوشتىم. قانشاما قيىندىققا ۋاقىت ەمشى، تىلەيمىن ەلىم ساعان باقىت سەنشى، قالماسپىن ەندى مەندە جات قولىندا.