مانسۋر 13 جاستا بولسا، دە 9 ادامى بار وتباسىن اسىراپ وتىر. ول قارىنداستارى مەكتەپتە وقىسىن دەپ كابۋل كوشەلەرىندە اربا سۇيرەيدى، دەپ جازادى Qamshy.kz اقپارات اگەنتتىگى. بۇل تۋرالى ازاتتىق جاريالادى.
«قارىنداستارىم مەكتەپكە بارسىن دەپ، وسى قيىندىقتىڭ بارىنە ءتوزىپ ءجۇرمىن. وتباسىمنىڭ تاماعى مەن قارىنداستارىمنىڭ قاعاز-قالامىنا جەتەتىن اقشا تاپقىم كەلەدى»، - دەيدى مانسۋر.
ءۇيدىڭ ۇلكەنى بولعان سوڭ بوس وتىرماي، جۇمىس ىستەۋىم كەرەك دەپ ويلايدى. ءتورت قارىنداسى مەكتەپكە بارىپ ءجۇر. اناسى ۇيدە ءۇش ءىنىسىن باعىپ وتىر.
«ۇلىم ۇيگە قايتاردا كەشىكسە، الاڭداپ وتىرامىن. وسى بالالار ءۇشىن تاماق اكەلەتىنىن بىلەمىن. ناۋقاس اكەسى ەرتەرەكتە قايتىس بولعان»، - دەيدى مانسۋردىڭ اناسى.
