مەكسيكالىق ۆەراكرۋس شتاتىندا بەلگىسىز بىرەۋلەر جۋرناليست گۋمارو پەرەس اگيلاندونى ءولتىرىپ كەتتى. قىلمىسكەرلەردى قولعا ءتۇسىرىپ ۇلگەرگەن جوق، دەپ جازادى Qamshy.kz اقپارات اگەنتتىگى.
وقيعا «اگيررە سينتا» باستاۋىش مەكتەبىندە ورىن العان. جۋرناليست ۇلى وقىعان مەكتەپتەگى روجدەستۆولىق شاراعا قوناق رەتىندە شاقىرىلعان.
بەلگىسىز بىرەۋلەر وقۋ ورنىنا كىرىپ كەلىپ ب ا ق قىزمەتكەرىن اتادى، كەيىننەن ءىزىن سۋىتىپ ۇلگەرەدى.
پەرەس جەرگىلىكتى باسىلىمداردىڭ بىرىندە قىلمىس تاقىرىبىندا جازاتىن جۋرناليست بولعان.
دەرەكتەرگە سۇيەنسەك، 2017 جىلدىڭ وزىندە مەكسيكادا 11 جۋرناليست ءولتىرىلدى. 2000 جىلدان بەرى 104 جۋرناليست كوز جۇمعان. ارنايى پروكۋراتۋرانىڭ مالىمەتىنشە، قۇقىق بۇزۋشىلىقتىڭ 99،85%-ى جازاسىز قالعان.
