مەيرامبەك بەسپايەۆ، ساكەن مايعازييەۆ ساحنادا قاقيىپ تۇراتىنداردىڭ قاتارىندا. ەسەسىنە حالىق ولاردى جۇرەگىنەن شىعىپ جاتقان اندەرى ءۇشىن ەرەكشە باعالايدى.

سوڭعى ۋاقىتتا قايرات نۇرتاستى دا كوپشىلىك سەزىمگە تولى ءانشى دەپ اتايدى. الايدا ونىڭ يىعىن قيقاڭداتىپ بيلەيتىن ءبيى مەن ەشقاشان تاستامايتىن كوزىلدىرىگى حيتكە اينالعان. بۇل سيقىر ما، الدە باسقاما ونى قايرات نۇرتاستىڭ ءوزى عانا بىلەدى.

سيقىر دەمەكشى حالىقتى انىمەن قاراتۋ ازدىق ەتەتىنىن ءتۇسىندى مە، "چيپ-چيپ" اتانىپ كەتكەن ءانشى اسحات تارعىنوۆ وزگەشە ءبىر بي قيمىلىن قوسىپتى. ءبىر قاراعاندا ەبەدەيسىزدەۋ كورىنەدى. الايدا، انىمەن اتاعى شىققاننان كەيىن بە ودان حالىق ۇنەمى جاڭالىق كۇتەدى. حالىقتى ونەرىنە تابىندىرۋ ءۇشىن بۇل دا تارعىنوۆ مىرزانىڭ ويلاپ تاپقان ايلا امالى. ازىرگە تىڭدارماندارى جاپ - جاقسى قابىلداپ جاتىر. ال مايرا  ءىلياسوۆا حالىقتىڭ نە قالايتىنىن جاقسى بىلەدى. ءوزى دە كاسىبي ءارتىس بولعاننان كەيىن ءجيى-جيى توپ قۇرادى. قاسى، كوزى قيىلىپ قانا قويماي، قىلميىپ ءان ايتاتىن سۇلۋلاردى دا جيناپ كوردى توبىنا. الايدا قيعاش قاستار ءالى دە تانىمال بولا الماي جاتىر.

قۇرامى وسىمەن ءۇش رەت وزگەرگەن "ەركە" توبىنىڭ قىزدارى كاسىبي بيشىلەر. ساحنادا وزدەرىن ەركىن ۇستايتىنى كورىنىپ تۇر.

كوپ ءانشىنىڭ ىشىندە جوعالىپ كەتۋدەن قورقاتىن ءانشى ءومىرقۇل اينيازوۆ ساحناعا شىققان بەتتە بىردەن قولىن سەرمەپ، باسىن شايقاپ، اياقتارىمەن  ءجيى بي بيلەيتىن بولعان. بۇل ونىڭ جۇرەكپەن عانا ەمەس، بۇكىل دەنە بىتىمىمەن قوسىپ ورىنداپ تۇرعانىن اڭعارتادى. سودان كەيىن ادام ءمان بەرمەي كورسىن. بۇل دا شوۋ - بيزنەستىڭ ۇيرەتكەن ءتاسىلى.

جاسىراتىنى جوق، ءومىرقۇل جاندى داۋىسپەن ءان شىرقاعان كەزدە قولدارىن ەبەدەيسىز سەرمەي بەرەدى. ءانىن باۋراپ تىڭداپ وتىرعان حالىقتى ءبىر سىلكىندىرۋ ءۇشىن ايعايلاپ-ايعايلاپ تا الادى.

ال، ۇلىقپان جولداسوۆتىڭ انىنەن گورى شاشى مەن تۇرپاتى ەلدى ەلەڭ ەتكىزەتىنى ءسوزسىز. بۇل ونىڭ باستى كوزىرى. ونىمەن قويماي ونىڭ گيتارامەن تەڭسەلىپ تۇرعان ءانى تالاي جاننىڭ جۇرەگىن باۋرادى.

بۇگىندە "باتىس" توبىن ساحنانىڭ سەركەلەرىنە اينالدىرۋ ءۇشىن كوپ ەڭبەك ەتىپ جۇرگەن پروديۋسەر توپ مۇشەلەرىنە كوڭىلدى اندەردى رەپەرتۋارلارىنا قوسۋدا.

دەرەككوز: "31" تەلەارنا