قازاقستان پرەزيدەنتى نۇرسۇلتان نازاربايەۆ ساۋد ارابياسى كورولىنىڭ قايتىس بولۋىنا بايلانىستى وسى ەلدىڭ حالقىنا كوڭىل ايتتى، - دەپ حابارلايدى تengrinews.kz جەدەلحاتتا "قازاقستان حالقى كورول ابداللانى كورەگەن كوسەم، بەدەلدى ساياساتكەر، ەكىجاقتى ىنتىماقتاستىقتى نىعايتۋعا وراسان زور ەڭبەك سىڭىرگەن تاريحي تۇلعا رەتىندە ءاردايىم ەسىندە ساقتايتىن بولادى"، – دەلىنگەن.

سونىمەن قاتار، قازاقستان پرەزيدەنتى كورول ابداللانىڭ ءوز ءومىرىن ساۋد ارابياسى حالقىنا ، جالپى بۇكىل يسلام جاماعاتىنىڭ مۇددەسىن قورعاۋعا، ادامزاتتىڭ ادىلدىك پەن ىزگىلىك جولىنداعى دامۋىنا ارناعانىن اتاپ ءوتتى. ءدال وسىلاي، نۇرسۇلتان نازاربايەۆ ورنى تولماس قايعىعا ورتاقتاسا وتىرىپ، قازاقستان حالقىنىڭ جانە جەكە ءوزىنىڭ اتىنان سالمان يبن ابدەل ءازيز ءال-ساۋدقا جانە بارشا ساۋد ارابياسى حالقىنا كوڭىل ايتتى.

ەستەرىڭىزگە سالا كەتەيىك، 23 قاڭتارعا قاراعان ءتۇنى ساۋد ارابياسىنىڭ رەتى بويىنشا التىنشى كورولى ابداللا يبن ابدەل ءازيز ءال-ساۋدتىڭ قايتىس بولعانى جايىندا ب ا ق حابارلاعان ەدى. كورول اۋرۋحانادا وكپەسىنىڭ قابىنۋى سالدارىنان 91-گە قاراعان شاعىندا قايتىس بولدى.

قازىرگى تاڭدا ءداستۇر بويىنشا ونىڭ ءىنىسى - 79 جاستاعى ساليقالى سالمان يبن ابدەل ءازيز ءال-ساۋد ساۋد ارابياسىنىڭ جەتىنشى كورولى اتاندى.

مەملەكەت باسشىسى نۇرسۇلتان نازاربايەۆتىڭ تاپسىرماسى بويىنشا سەنات ءتوراعاسى قاسىم-جومارت توقايەۆ قوس كيەنىڭ ساقشىسى، ساۋد ارابياسى كورولى ابداللا بەن ابدەل ءازيز ءال-ساۋدتى جەرلەۋ راسىمىنە قاتىسادى. سونىمەن قاتار،سەنات ءتوراعاسى ساۋد ارابياسىنىڭ جاڭا كورولىنە قازاقستاننىڭ پرەزيدەنتى كوڭىل ايتقان جەكە جولداۋدى جەتكىزەدى.

نازەركە توعجانوۆا دەرەككوز:tengrinews.kz