قازاقستاندىق ايداي يسايەۆا "الەم ارۋى-2014" كونكۋرسىنىڭ جارتىلاي فينالىندا ۇلتتىق كيىممەن ونەر كورسەتتى. بۇل تۋرالى كونكۋرستىڭ رەسمي سايتى حابارلادى.
الەمدىك ارۋلار بايقاۋىنىڭ جارتىلاي فينالى كەزەڭى تەليەۆيدەنيەدەن كورسەتىلگەن جوق، ءبىراق قازىلار القاسى فينالعا 16 قىزدى ىرىكتەپ الدى. فينال 25 قاڭتاردا ماياميدە (اقش) وتەدى.
"الەم ارۋى" اتاعى ءۇشىن سىنعا تۇسەتىن ون التى قاتىسۋشىنىڭ ەسىمى كونكۋرستىڭ تىكەلەي ەفيردە كورسەتىلەتىن فينالىندا جاريالانادى. جارتىلاي فينالدا الەمنىڭ تۇپكىر-تۇپكىرىنەن ب ا ق سىناعان 88 ارۋ ساحنادا ءوز ونەرلەرىن پاش ەتتى.
ءبىزدىڭ وتانداسىمىز ساحنادا ءوزىن سەنىمدى ۇستاپ، فينالعا وتۋگە ۇمىتتەنۋدە. ەسكە سالا كەتەيىك، 25 جاستاعى ايداي بۇعان دەيىن "شىمكەنت ارۋى-2008"، "الماتى ۆيسە-ارۋى-2013"، "قازاقستان ارۋى-2013" اتاقتارىن جەڭىپ العان بولاتىن.
