بۇگىن 2018 جىلداعى ۇكىمەتتىڭ العاشقى وتىرىسىندا دەنساۋلىق ساقتاۋ جۇيەسىنىڭ ينفراقۇرىلىمىن دامىتۋ جونىندەگى ءبىرىڭعاي پەرسپەكتيۆالىق جوسپار جاسالدى، دەپ حابارلايدى Qamshy.kz اقپارات اگەنتتىگى. 

2016-2019 جىلدارعا ارنالعان «دەنساۋلىق» مەملەكەتتىك باعدارلاماسىن ورىنداۋ ماقساتىندا ق ر دەنساۋلىق ساقتاۋ مينيسترلىگى وڭىرلەردىڭ اكىمدىكتەرىمەن بىرلەسىپ دەنساۋلىق ساقتاۋ جۇيەسىنىڭ ينفراقۇرىلىمىن دامىتۋ جونىندەگى ءبىرىڭعاي پەرسپەكتيۆالىق جوسپاردى ازىرلەپ جاتىر.

قازىرگى كەزدە رەسپۋبليكادا حالىققا مەديسينالىق قىزمەتتەردى 8 154 دەنساۋلىق ساقتاۋ نىسانى كورسەتەدى (6 950 نىسان (85،2%) – مەملەكەتتىك، 1 204 (14،8%) – جەكەمەنشىك).

مەديسينالىق ۇيىمداردىڭ عيماراتتارىنىڭ توزۋى 50%-دان اسادى، ولاردىڭ جارتىسى 30 جىلدان استام ۋاقىتتان بەرى پايدالانىلىپ كەلەدى.

امبۋلاتوريالىق-ەمحانالىق ۇيىمداردىڭ ارتىق جۇكتەمەسى - 35%.

مەديسينالىق تەحنيكامەن جاراقتالۋ دەڭگەيى  70،1% قۇرايدى، جابدىقتاردىڭ توزۋى - 35% اسادى.

قارجى رەسۋرستارىن ءتيىمدى ءبولۋ، امبۋلاتوريالىق-ەمحانالىق جانە ستاسيونارلىق كومەك كورسەتۋدە جاقسى ناتيجەلەرگە قول جەتكىزۋ ءۇشىن دەنساۋلىق ساقتاۋ ينفراقۇرىلىمىن دامىتۋدىڭ ءبىرىڭعاي پەرسپەكتيۆالىق جوسپارى قاراستىرادى:

– حالىقتىڭ العاشقى مەديسينالىق كومەككە قولجەتىمدىلىگىن جاقسارتۋمەن الەۋمەتتىك-باعدارلانعان العاشقى مەديكو-سانيتارلىق كومەكتى دامىتۋ:

1)         جالپى تاجىريبەلى دارىگەر ۋچاسكەلەرىن قايتا ىرىلەندىرۋ؛

2)         اۋىلداردا مەديسينالىق نىسانعا دەيىن 20-مينۋتتىق قاشىقتىقتى جانە بىلىكتى دارىگەرلىك كومەكتى قامتاماسىز ەتۋ؛

–          اۋرۋحانا سەكتورىن قايتا قۇرىلىمداستىرۋ:

1)         ءمونوپروفيلدى ستاسيونارلاردى (اۋرۋحانالار، ديسپانسەرلەر) كوپبەيىندىگە ينتەگراسيالاۋ؛

2)         ورىنداردى قاجەتتى بەيىندەرگە قايتا بەيىندەۋ.

– دەنساۋلىق ساقتاۋ جۇيەسىنە مەملەكەتتىك-جەكەشەلىك ارىپتەستىك تەتىكتەرىن ەنگىزۋ.