جول قوزعالىسىنا بايلانىستى ەرەجەلەردى قىرىق قۇيقىلجىتقان ىشكى ىستەر مينيسترلىگىنە، سولار ۇسىنعان شالا-شارپى زاڭداردى قابىلداي سالعىش ءماجىلىس، سەنات دەپۋتاتتارىنا، اسىرەسە الاقانىن ىسقىلاپ، «اسىرا سىلتەۋ بولماسىن، اشا تۇياق قالماسىن» دەپ الا تاياعىن كوتەرىپ ىسكە كىرىسپەكشى ماي قىزمەتكەرلەرىنە قارادان-قاراپ قانىم قايناپ وتىرعانى-اي!.. استىمدا جەكەمەنشىك كولىگىم دە جوق. بىلاي قاراعاندا، ولاردىڭ مەندە، مەنىڭ ولاردا شارۋام بولماسا كەرەك-تى. نەگە شارۋام بولماسىن؟! ويلايمىن: جەردىڭ استى دا، ءۇستى دە تونالىپ ءبىتتى. مەملەكەت ەسەبىندە قالعان ازىن-اۋلاق مۇلىك-مۇكاممال ءقازىر ءجۇرىپ جاتقان «زاڭداستىرۋ» ناۋقانى ناتيجەسىندە ورنىن تابادى. سونىمەن، نە قالادى؟ مۇنايدان تۇسەتىن تابىس ازايعان تۇستا مەملەكەت پەن ونىڭ ميلليون ساندى شەنەۋنىكتەرىنە ەلدەن نە جەۋگە بولادى؟ سىزدىقتاتىپ قانىن سورعانداي ەلدەن ۇزدىكسىز جەۋدىڭ مەن بىلەتىن ەكى-ۇش كوزى بولعان، بولادى، بولا بەرەدى. ءار جالاقىدان الىناتىن تابىس سالىعى بار (بۇگىنگە دەيىن 10 پايىز ەدى، سونى كوبەيتۋ - كوزقۇرتى). زەينەتاقى قورىنا جىبەرىلەتىن مىندەتتى جارنامىز بار (10 پايىز، ونى دا كوبەيتكىسى كەلدى...ءتۇبى كوبەيتۋى مۇمكىن). ەڭ باستى كوزدىڭ ءبىرىنشىسى – كوممۋنالدىق قىزمەتتەر ءۇشىن الىناتىن تولەمدەر. جىل سايىنعى قايعىمىز — تولەمدەردىڭ ءوسىپ كەتپەۋى. ءوسىپ جاتىر. گاز وسەدى. سۋدىڭ باعاسى وسەدى. ەلەكتر قۋاتى ءۇشىن تولەم وسەدى. جىلۋ وسەدى. جەر، مۇلىك سالىعى وسەدى. حالىق كۇيزەلە تۇسەدى، پايدا – مونوپوليالىق الپاۋىتتاردا، اكسيا يەلەرىندە! ەكىنشى كوز – جەكەمەنشىك كولىك. ودان قوزعالتقىشتىڭ كولەمىنە قاراي كولىك سالىعىن الادى، تەحبايقاۋ، ساقتاندىرۋ... وسى جەردە اڭگىمەمىزدىڭ باسىنداعى قىنجىلىسقا قايتا ورالايىن. جول تورىعان ماي ءۇشىن «مايشەلپەك» (حالىقتى توناۋ!) - وسى كولىكتەر. جاڭا زاڭنىڭ ءبارى سولاردىڭ قالتاسىن تولتىرۋ ءۇشىن قابىلداناتىنعا ۇقسايدى. «توقتات، تەكسەر، ايىپ سال!» دەيدى. ونىڭ قۇقىعى بار، كولىك يەسىنىكى جوق...(ماي-عا جول بويىندا تۇرۋعا تيىم سالىنىپ، جول-كولىك وقيعاسى بولعاندا عانا كەلۋ تۋرالى زاڭ قابىلداسا قايتەدى؟) رەسەيدەن ءسال ارزانعا كولىك اكەلگەندەر قاعازباستىلىققا تاپ بولسىن، اقشاسىن پاراعا بەرسىن دەگەن زاڭ دا شۇعىل قابىلداندى، انە!.. اقتوبەدە اق قار، كوك مۇز جول ۇستىندە ۇلكەن جۇك كولىكتى توقتاتىپ، ارتىنان كەلە جاتقاندى الدىڭعىعا سوقتىرىپ، اپات جاساپ، ءوزى قاشىپ كەتكەن ماي – بۇكىل ارىپتەستەرىنىڭ شىن بەينەسىن پاش ەتپەدى مە؟! بىر-ەكى جىل بۇرىن ءبىر وعاشتاۋ وقيعا بولدى. الماتىداعى شىعىس اينالما جولىندا ءبىر ەسەرسوق ادەيى ءرۋلدى بۇرىپ بارىپ، جولدىڭ قارسى بەتىندە تۇرعان جول پوليسياسىن قاقتى! ەسەرسوقتىڭ قىلمىستىق ءىسى دەپ جىلى جاۋىپ تاستادىق. ءبىراق، ول - بۇكىل كولىك جۇرگىزۋشىلەردىڭ ماي-دا ءوشى بار ەكەنىن، ولاردى جاۋ تۇتاتىنىن ايگىلەمەدى مە؟! مەملەكەت بيلىگىن سەنىپ تاپسىرعان «قالاۋلىلار» جەمقورلىققا جول اشاتىن ويسىز زاڭدارمەن حالىقتىڭ نارازىلىعىن تۋعىزىپ، ءورشىتىپ وتىر. كىم جاۋاپتى؟!

بولات جەتەكباي، Facebook پاراقشاسىنان