قارا ولەڭ – ىقىلىم زامانداردىڭ ەلەگىنەن وتكەن، ءبىر عانا اۆتوردىڭ ەمەس، تۇتاس ۇلتتىڭ رۋحاني گەنەفونى. دالىرەك ايتساق، تەكتىك نەگىزى مەن جارالىمى. ەپوستارعا ەس جۇپارلاپ، قارا ولەڭگە كىندىك بايلامايىنشا قولعا قالام الۋعا بولمايدى. ەملەسى (جازىلۋى) قازاقشا دەگەنىڭىز بولماسا، ويىن (مازمۇنىن) ادام تۇسىنبەيتىن، بەينەبىر ءتارجىما ىسپەتتى تەكسىز (گەنەتيكادان ادا) ولەڭدەردىڭ قاۋلاپ كەتۋىنىڭ تۇپكى ءتىنى وسىندا جاتىر. ءبىز اللا جەتكىرسە بۇل تاقىرىپقا قايىرا ورالىپ، سول شىركىندەردىڭ اتىن اتاپ، ءوڭىن تۇستەي وتىرىپ جەكە-جەكە جىلىكتەيتىن بولامىز. قىسقاسى، ءسوزۋار، كۇشەنشەك، قولدان تۇنەرىپ ولەڭ قۇرايتىن «اقىنسىماقتارعا» شىن ولەڭنىڭ مارتەبەسى وسىلاي بولادى دەگەن ماقساتپەن قارا ولەڭنىڭ عاشىقتىق سالاسىنان بىرەر شۋماقتار ۇسىنىپ وتىرمىن...