«Turkvision-2014» ءان بايقاۋىندا جانار دۇعالوۆامەن بىرگە ونەر كورسەتكەن كۇيشى نۇرجان تاجىكەنوۆتىڭ ەسىمى حالىققا بايقاۋدان سوڭ كەڭىنەن تانىلا باستادى. بايقاۋعا دەيىن كۇيشى بىرنەشە ءىرى شارالاردا، شەت ەلدەردە دە قازاقتىڭ قارا دومبىراسىمەن ونەر كورسەتكەن. سونىمەن قاتار، وتاندىق مۋزىكالىق تەلەارنالاردان بەينەباياندارىن دا شىعارىپ ۇلگەرگەن. الايدا ءسىز جاس تالانتتى كۇيشى جايلى نە بىلەسىز؟ نۇرجان تاجىكەنوۆ كىم؟ ءبىز وسى ورايدا قاسيەتتى دومبىرادا ەرەكشە وينايتىن دارىن يەسىمەن وقىرماندارىمىزدى جاقىنىراق تانىستىرۋدى ءجون سانادىق.
نازارلارىڭىزعا نۇرجان تاجىكەنوۆ جايلى 10 دەرەك ۇسىنامىز.
- 1989 جىلى 16 قىركۇيەكتە، جىلان جىلى دۇنيەگە كەلگەن.
- باتىس قازاقستان ءوڭىرى، اتىراۋ وبلىسى، قۇلسارى قالاسى، جىلىوي اۋدانىندا دۇنيەگە كەلگەن. بالالىق شاعىن تولىقتاي وسى وڭىردە وتكىزگەن.
- باتىس قازاقستان وڭىرىندە مەكتەپتى بىتىرگەن. 4-سىنىپتان 9-سىنىپقا دەيىن بەسجىلدىق №2 مۋزىكالىق مەكتەپتە ءبىلىم الىپ، كۇي ونەرىنە دەگەن قىزىعۋشىلىعى سول ساتتەن باستالعان. 9-سىنىپتى اياقتاعاننان كەيىن اتىراۋ وبلىسىنداعى د. نۇرپەيىسوۆا اتىنداعى حالىقتىق مۋزىكالىق اكادەمياسى اتىراۋ مۋزىكا كوللەدجىندە ءبىلىمىن جالعاستىرعان. كوللەدجدى اياقتاعاننان كەيىن الماتى قالاسىنداعى قۇرمانعازى اتىنداعى قازاق ۇلتتىق كونسەرۆاتورياسىندا وقىعان.
- قاراپايىم وتباسىنان شىققان. اپكەسى جانە قارىنداسى بار. ۇيىندەگى جالعىز ۇل. اكەسى مۇناي سالاسىندا جۇمىس جاسايدى. ال اناسى — ءمۇعالىم.
- كۇلاش نيماتوۆا، كلارا جولداسوۆا، كاريما ساحاربايەۆا سىندى پروفەسسورلاردان ءبىلىم العان. سونىمەن قاتار، قازاقستان رەسپۋبليكاسىنىڭ حالىق ءارتىسى، مەملەكەتتىك سىيلىقتىڭ لاۋرەاتى، «پاراسات» وردەنىنىڭ يەگەرى قارشىعا احمەدياروۆتىڭ كوزىن كورگەن ەڭ سوڭعى شاكىرتى.
- ەڭ العاش بەينەبايانى «ساعىنىش» اتتى كۇيگە تۇسىرىلگەن. وسى ۋاقىتقا دەيىن ءتۇرلى كۇيشىلەردىڭ 400-گە جۋىق كۇيىن ورىنداعان.
- كۇيشى رەتىندە قۇرمانعازى، دينا سياقتى ۇلى كۇيشىلەردىڭ ونەرىنەن ۇلگى الادى. ال قازىرگى ەسترادادا «ۇلىتاۋ» توبى مەن اسىلبەك ەڭسەپوۆتى ەرەكشە قۇرمەتتەيدى، ونەرلەرىن باعالايدى
- نۇرجان تاجىكەنوۆتى العاش باعىم مۋحيتدەنوۆا كونسەرۆاتوريادا بىردە ونەر كورسەتىپ جاتقاندا بايقاعان. كەيىننەن «قازاق ارۋى» سۇلۋلىق بايقاۋىندا قاتىسۋشى قىزدارىنىڭ بىرىمەن ونەر كورەتۋگە شاقىرعان. ال وسى جىلى بايان ماقسات قىزى ءوزى حابارلاسىپ، «Turkvision» بايقاۋىنا جانار دۇعالوۆامەن بىرگە ونەر كوسەتۋگە ۇسىنىس بىلدىرگەن.
- دومبىرادان بولەك فورتەپيانودا جاقسى وينايدى. سونىمەن قاتار، ۇرمەلى-سوقپالى اسپاپتاردا دا ويناۋدى جەتىك مەڭگەرگەن. ءبىراق جانىنا قازاقتىڭ قاسيەتتى قارا دومبىراسى جاقىن.
-
ەشقاشان پروديۋسەرمەن جۇمىس جاساپ كورمەگەن. الايدا ەندى بايان ماقسات قىزى رەسمي تۇردە پروديۋسەرى بولدى. بايان ماقسات قىزى ەڭ العاش بايقاۋدا جۇرگەندە قازان قالاسىندا ۇسىنىس بىلدىرگەن. ەلگە كەلگەننەن كەيىن نۇرجان ويلانىپ، كەلىسىمىن بەرگەن. ەندى بايان ماقسات قىزىنىڭ جوبالارىنىڭ ءبىرى.
