الەۋمەتتىك جەلىدە ماحاببات وقيعاسى قىزۋ تالقىلانىپ جاتىر. ءاربىر ايەل تۇرمىسقا شىعىپ، ءسابي ءسۇيۋدى ارماندايتىنى راس، «ارماندامايمىن»، - دەگەندەردىڭ ءوزى ىشتەي باقىتتى وتباسىنى جوسپارلايتىنى انىق. الايدا قىزدار ءوزىنىڭ بولاشاق كۇيەۋىن ءارتۇرلى ەلەستەتەدى. كەيبىرەۋلەر «مەنىڭ بولاشاق جۇبايىم باي بولسا ەكەن»، دەسە، ەندى بىرەۋلەر «اقىلدى، مەنى سىيلاسا بولدى»، دەپ ويلايدى. الەمدە قانشا ادام بولسا سونشا پىكىر بولاتىنى راس. الايدا مىنا ءبىر وقيعانى دا ومىرلىك قاعيدا رەتىندە ويعا تيگەن ابزالىراق بولار. مۇمكىن وسىعان ۇقساس، ءتىپتى وسى ماحاببات جەلىسىن وقىعان ياكي ەستىگەن شىعارسىز؟!

كەدەي جىگىت بايدىڭ قىزىنا عاشىق بولادى. ولار ۇنەمى ايلى تۇندە دە، شۋاقتى كۇندە دە كەزدەسەدى. ءبىر كۇنى جىگىت قىزعا ۇيلەنۋگە قاتىستى ۇسىنىس جاسايدى. جىگىت قولىندا بار اقشاسىنا تەك ءبىر تال گۇل ساتىپ العان. ءوز كۇنىن ارەڭ كورىپ جۇرگەن جىگىتتىڭ كۇندەلىكتى تابىسى تەك كەشكى اسىنا عانا جەتكەن. ۇسىنىس جاساۋ ءۇشىن جىگىت كەشكى استان دا باس تارتتى. تاڭعى ءارى تۇسكى استى ىشۋگە جاعدايى جوق جىگىتتىڭ ۇسىنىسىن بايدىڭ قىزى قابىلداي المادى. قىز جىگىتتى قانشا ۇناتسا دا بولاشاعىن ويلاۋعا تىرىساتىن.

«سەنىڭ كۇندەلىكتى تابىسىڭدى مەن ءبىر ساعاتتا جاراتۋىم مۇمكىن. ءبىز وتباسى بولعان كەزدە قالاي ءومىر سۇرەمىز؟ مەن كەدەيشىلىكتە ءومىر سۇرە المايمىن. سوندىقتان مەنى ۇمىتقانىڭ ءجون. ءوزىڭنىڭ تەڭىڭدى تابۋعا تىرىس. مەن سەنى ۇناتام، الايدا ءبىز بىرگە بولا المايمىز.»، - دەپ الگى قىز جىگىتتىڭ ۇسىنىسىنان باس تارتادى.

ارينە بۇل قورلىقتى جىگىت ءومىر بويى ۇمىتپايدى.

ارادا 10 شاقتى جىل زۋ ەتىپ وتە شىعادى. قىز ءوزىنىڭ بۇرىنعى جىگىتىن ورتالىق ساۋدا ورتالىقتىڭ بىرىندە كەزدەستىرەدى.

«قالىڭ قالاي؟ مەن وتە ءبىلىمدى ازاماتقا كۇيەۋگە شىقتىم. ول ايىنا 15 مىڭ دوللار تابىس تابادى. بۇل جالاقى سەنىڭ تۇسىڭە دە كىرمەيتىن شىعار؟»، دەيدى قىز.

جىگىت بۇل سوزدەردى ەستىپ تۇرىپ ءوز-وزىن ارەڭ ۇستايدى. قاتتى اشۋلانعانىمەن ول ەشتەڭە ايتپايدى.

ءبىر مەزەتتە الگى ايەلدىڭ قاسىنا كۇيەۋى كەلىپ: «مىرزا قالىڭىز قالاي؟ بايقۋىمشا ءسىز مەنىڭ ايەلىممەن تىنىسىپ ۇلگەرگەن سەكىلدىسىز؟»، دەيدى.

— قايىرلى كۇن! ەسىمىڭىز؟، — دەدى ول ەسىنە تۇسىرە الماي.

— انۋار...، دەپ كۇلىمسىرەدى ول.

— ءسىزدى كورگەنىمە قۋانىشتىمىن. مەنىڭ ماڭىزدى جۇمىستارىم بار ەدى، رۇقسات ەتسەڭىزدەر مەن جۇرە بەرەيىن، دەدى ول سىپايى قالپىمەن.

كەيىن انۋار ايەلىنە ءوزىنىڭ باستىعىن تانىستىرا باستادى.

«مەنىڭ باستىعىم 100 ملن. دوللاردان استام تابىس تاپتى، الايدا تىم قاراپايىم. ونىڭ ءومىرى سىناقتارعا تولى بولدى دەسەدى. مەنىڭ ەستۋىم  بويىنشا، ول  ءبىر باي قىزدى قاتتى جاقسى كورگەن. الايدا الگى قىز ونى كەدەي بولعانى ءۇشىن تاستاپ كەتىپتى. سول كەزدەن باستاپ ول كوپ تەر توگىپ، كوپتەگەن قيىنشىلىقتى ارتقا تاستاپ جەتىستىككە جەتكەن. سول سەبەپتى مەن ونى ەڭ اقىلدى، ءبىلىمدى ادام رەتىندە سىيلايمىن، ءارى ۇلگى الۋعا تىرىسامىن. ءبىراق ول ءوزىنىڭ سەزىمىن اياققا تاپتاعان قىزدان كەيىن بارلىق ايەل اتاۋلىدان كوڭىلى قالعاندىقتان ءالى كۇنگە دەيىن ۇيلەنبەگەن. ايتپاقشى، سەن الگى ايەلدىڭ ورنىندا بولساڭ وسىنداي جىگىتتەن باس تارتار ما ەدىڭ؟»، دەپ جىميىپ سۇراق قويدى انۋار.

ال ايەلى ازىلگە اينالدىرىپ جىبەردى، الايدا ءىشى وكىنىشتەن ورتەنىپ بارا جاتقان ەدى. «ءبارى كەش»، دەدى ول.

ءومىر ءبىز ويلاعاننان دا قىسقا. ال ءسىزدىڭ قالتاڭىزداعى اقشا ءسىزدىڭ قانداي ەكەنىڭىزدى كورسەتپەيدى. سول سەبەپتى تاكاپپارلىق پەن ماقتانشاقتىق ءاربىر ادامدى قور قىلادى. ومىردە ءبارى مۇمكىن...