"قازاق ەلى - 550 جىل" شىعارماشىلىق بايگەسىنە!   

  اشىلعاندا تاريحتىڭ بەتتەرى، وي سالادى وتكەنى مەن كەتكەنى. قاراشادان «حاندىق» قۇرعان قازاعىم، كەشتى نەبىر قيىن كۇندى، وتكەلدى.   ءار عاسىردىڭ بەرەرى بار شىندىقتان، قۇتىلسادا ۇستەمدىك پەن قۇلدىقتان. سىر شەرتەدى ۇرپاعىنا ءالى دە، تالاي تاريح بۇركەلۋدە قۇم جۇتقان.   تەككە كەتپەس تىرلىگىڭدە ءار ءىسىڭ، ءتاڭىر قولداپ بيىكتەسىڭ، ءالدىسىڭ. بەس ءجۇز ەلۋ – «حاندىعىڭا» جىل تولدى، بار الەمگە جار سالاسىڭ، ءبارى شىن.   ءار حاندىقتىڭ ورنى بولەك- بيلىك تە، ءوز ىشىنەن تۋدى تالاي بۇلىك تە. قۇلاتپادى جوعارى ۇستاپ ۇلت رۋحىن، قۇلاتپادى مارتەبەسى بيىكتە.   جەرىڭ مىناۋ ۇلانقايىر كوز ۇشى، ءار قازاقتىڭ وزىندە بوپ ءوز ءىسى، جۇرگەنى جوق، كەلمەيتىنىن بىلەدى، بىرەۋلەردىڭ قۇلدىعىنا توزگىسى.   قانى، جانى ۇلتپەن بىرگە تۋلاعان، قولدا نايزا، قىلىش – تۋى بۇلعاعان. باتىر بابا، اسىل تەكتىڭ جالعاسى، بايتاق جەردى ۇرپاعىنا قورعاعان.   جىلدار  كۋا، ۇرپاق بىلەر وتكەندى، ۇمىتپايدى تاۋسىلعانشا وت دەمى. سىن تاريح عاسىرلارعا  قالدىردى، سان جوعالتىپ، سان تىكتەگەن ولكەنى.   قايران ەلىم شاشىرادى شاڭ قاۋىپ، ءتونىپ جاتتى تاعدىرىنا سان ءقاۋىپ. ءبىرى قورعاپ جەرىن جاتىر اتويلاپ، ءبىرى كەتتى ۇرپاعى ءۇشىن جەر اۋىپ.   بۇل قازاعىم مىڭ جىعىلدى، مىڭ تۇرىپ، جاتساداعى جۇرەگىندە مۇڭ تۇنىپ. قايسارلىعىن تاۋدان العان سياقتى، قايتپاستىعى قارا جەردەي تۇر تۇنىق.   مويىنداماي ءوتتى تەگىڭ باسقانى، اتىلسا دا، شابىلسا دا باستارى. تىلەكتەرى ۇرپاعىنا ۇران بوپ، قالدى سولاي، اشىق ەندى اسپانى.   قيىندىقتى باستان كەشپەي ەل بولماس، وتانىنا ەڭبەك ەتپەي ەر وڭباس. تاۋەلسىزدىك – باعى بولسىن قازاقتىڭ جەرىڭ امان، جەر كىندىكتەس، جەر جولداس.   باياندى بوپ قازاق ەلىڭ، ەلدىگىڭ، كوك تۋىڭدى كوككە كوتەر ەندى مىڭ. جەر استىندا جاتسا قانشا بايلىعىڭ، جەر بەتىندە اسقاقتاسىن ەرلىگىڭ.   ەمەس مىناۋ تاۋەلسىزدىك العاشقىڭ، «حاندىق» قۇردىڭ، بيىك تۇردىڭ، ارباستىڭ. سونىڭ زاڭدى جالعاسىنداي مىنا كۇن، الەم تىنىش، بەيبىتشىلىك جالعاسسىن.   تاريح ءارى ەلدىڭ بەرىك ىرگەسى، ءتور مەنىكى دەپ كوز الارتپاس كىرمەسى. اس ءىشىلىپ، اياق سوزار توي ەمەس، ۇلتتىڭ ءار كەز بيىك تۇرار مۇدەسى.   قۇت-بەرەكە ماڭدايىنا جازىلعان، ءبىزدىڭ قازاق تۇسكەن ەمەس تاعىنان. جەرىڭ بايتاق، ەلىڭ دانا، قاستەرلى، اينالايىن ءتاڭىر بەرگەن باعىڭنان!!!       ءلاززات يگىسىن الماتى قالاسى