بىلتىر ءبىر شارۋامەن بالقاش قالاسىنا بارعان ەدىك. سول ساپارىمىزدا سۇڭعىلا ءبىر قاريامەن تانىستىق. اكەسى رامازان  ايگىلى ءاليحان بوكەيحانوۆتىڭ اتقوسشىسى بولعان ادام ەكەن. ءبىز بىرەر ايدان سوڭ قارياعا  قايىرىلىپ سوعاتىنىمىزعا ۋادە بەرگەن بولاتىنبىز. سول سەرتىمىزدىڭ ءساتى  ءتۇسىپ،  سەكسەننىڭ التىسىنا قادام باسقان  قابىلبەك اقساقالمەن التى ساعاتقا جۋىق ديدارلاسىپ، اڭگىمەسىن بەينەتاسپاعا جازىپ الدىق.

مىنا تومەندەگى جانىمىز اۋىرا وتىرىپ جارتى ساعاتقا قىسقارتقان بەينەبايان كوپ اڭگىمەنىڭ كوزمونشاقتاي ءبىر ۇزىگى عانا. بارلىعىن  تولىقتاي بەرۋگە كورەرمەننىڭ ۋاقىتىن ايادىق.

ءبىز كوبىنەسە الاش ارىستارىن  ايتقاندا سىرەسكەن رەسمي داتالار مەن  دارەجەلەردەن (اۆتوبيوگرافياسىنان) ارىعا بارا الماي جاتامىز. ال مىنا بەينەباياننان ءاليحاننىڭ ازاماتتىق ءومىرى مەن كىسىلىك كەلبەتىنەن مول ماعلۇمات الاسىزدار.  اڭگىمە بارىسىندا ايتىلاتىن  كوشىر  (ات اربا تىزگىنشىسى) بۇگىنگى ءشوفور.  قۇرمەتتى وقىرمان، وسى ورايدا سىزگە قويار ءبىر ساۋالىم بار. بۇگىنگى شەنەۋنىكتىڭ ءشوفورى كۇن ەرتەڭ بولعاندا سول باستىعىن ەڭىرەپ تۇرىپ ەسكە الاتىنىنا قانشالىقتى سەنىمدىسىز؟  ارينە، بەرىلەر جاۋاپتىڭ قانداي بولاتىندىعىن  ءىشىمىز سەزەتىن سەكىلدى. وسى ءبىر از عانا دەرەكتەن ءاليحاننىڭ «جاقسىدا جاتتىق جوق» دەگەن قازاق عاقلياسىنا تۇتاس تۇلعاسىمەن ۇلگى بولعاندىعىن كورەمىز.  ءاماندا  شىن زيالى «تولىق ادام» وسىلاي بولسا كەرەك.

اعايىنعا ايتپاعىمىز  التىن ۋاقىتىڭىزدىڭ جارتى ساعاتىن قيىپ كورىپ شىعىڭىزدار. وكىنبەيتىندەرىڭىزگە ءوزىم كەپىل.

 قۇرمەتپەن ىقىلاس وجاي ۇلى