سوت الماتى بازارلارىنىڭ بىرىنە جامبىل وبلىسىنىڭ شۋ اۋدانىنان 105 كەلىدەن اساتىن ماريحۋانا اكەلمەك بولعان ازاماتقا قاتىستى ۇكىم شىعاردى. بۇل تۋرالى الماتى وبلىستىق سوتىنىڭ سايتى جازدى.
جول پوليسياسى قىزمەتكەرلەرى شۋ-استانا تاس جولىندا جالپى سالماعى 105 كەلى 720 گرامم بولاتىن كەپتىرىلگەن ماريحۋانانى الماتى بازارلارىنىڭ بىرىنە 100 مىڭ تەڭگەگە جەتكىزىپ بەرمەك بولعان شۋ اۋدانىنىڭ تۇرعىنىن ۇستاعان. الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن سوتتالۋشى اسا ءىرى كولەمدە ەسىرتكىنى زاڭسىز يەمدەنگەنى، تاسىمالداعانى، جانە ساقتاعانى ءۇشىن كىنالى دەپ تانىلىپ، دۇنيە -مۇلكىن تاركىلەۋمەن قاتار، 12 جىلعا باس بوستاندىعىنان ايىرۋ جازاسى تاعايىندالدى. ۇكىم ءالى كۇشىنە ەنگەن جوق.
