كابۋلداعى Intercontinental قوناقۇيىندە بولعان تەراكتىدەن 1978 جىلعى  قازاقستان ازاماتى كوز جۇمدى. بۇل تۋرالى قازاقستانىڭ ءسىم وكىلى انۋار جايناقوۆ مالىمدەدى دەپ حابارلايدى Qamshy.kz اقپارات اگەنتتىگى.

قازىرگى ۋاقىتتا قازاقستاندىق ەلشىلەر اۋعان قاۋىپسىزدىك قىزمەتتەرىمەن بايلانىس ورناتىپ جاتىر. جاقىن ارادا قازا تاپقان قازاقستاندىقتىڭ دەنەسىن ەلگە اكەلۋ ماسەلەسى شەشىلەتىن بولادى.

ايتا كەتەيىك، كابۋلداعى قوناقۇيگە تەرروريستىك شابۋىل جاسالىپ، 43 ادام كوز جۇمعان. شابۋىل سەنبى كۇنى كەشكى ۋاقىتتا بولعان. كۋاگەرلەردىڭ ايتۋىنشا، سودىرلار عيماراتقا كىرىپ، ادامداردى تۇتقىنعا العان. جەرگىلىكتى پوليسيانىڭ ەكسترەميستەردى قوناقۇيدەن شىعارۋ پروسەسى 17 ساعاتقا سوزىلعان.  6 سودىر ۇستالىپ، قوناقۇيدەگى 150 ادام قۇتقارىلعان. شابۋىلدى «تاليبان» قوزعالىسى موينىنا الدى.