قازاقستان اۆتوبيزنەس قاۋىمداستىعى مالىمەتىنە سۇيەنسەك، ەلىمىزدەن ەكسپورتتالاتىن 1480 تەحنيكانىڭ باعاسى – 5،8 ملرد تەڭگە. 2017 جىلدى قورىتىندىلاعان قازاقستان اۆتوبيزنەس قاۋىمداستىعىنىڭ مالىمەتىنشە، قازاقستانداعى اۆتوكولىك وندىرەتىن التى زاۋىت 12 اي ىشىندە 19 086 تەحنيكا جاساپ شىعارعان. ونىڭ ىشىنە جۇك تاسيتىن كولىك، اۆتوبۋس جانە جەڭىل اۆتوكولىكتەر كىرەدى. جالپى قۇنى – 139،5 ملرد تەڭگە. بۇل كورسەتكىش 2016 جىلمەن سالىستىرعاندا ءۇش ەسە كوپ. ال قازاقستانعا اۆتوكولىك وندىرىسىنەن تۇسكەن پايدا17 پايىزعا ارتقان.

تومەندەگى كەستەدە 2017 جىلدىڭ قاڭتار-جەلتوقسان ارالىعىنداعى يمپورتتىق جانە قازاقستاندىق اۆتوكولىكتەردىڭ رەسمي ساتىلىم كورسەتكىشى كورسەتىلگەن.

قازاقستاندىقتار ۋاقىت وتكەن سايىن جەرگىلىكتى ءونىمدى ساتىپ الۋعا بەيىمدەلىپ كەلەدى. 2017 جىلى ەلىمىزدە 17 416 جەڭىل كولىك، كوممەرسيالىق تەحنيكالار مەن اۆتوبۋستار ساتىلعان. جالپى ساتۋ كولەمى – 120،5 ملرد تەڭگە. ال قازاقستاندا جاسالعان اۆتوكولىكتەرگە دەگەن سۇرانىس جىل سوڭىنا دەيىن 33،5 پايىزعا ءوستى. 

قازاقستانداعى اۆتوكولىك وندىرىسىندەگى ۇزدىك كومپانيالاردى اتاپ وتسەك:

1. قوستانايلىق «سارىارقااۆتوپروم» كومپانياسى جاڭا ماركالى اۆتوكولىكتەردىڭ ساتىلىمعا شىعارىپ، ءوندىرىس كولەمىنىڭ ەداۋىر ۇلعايتتى. 2017 جىلى اتالمىش كومپانيا Hyundai اۆتوكولىگىن لوكاليزاسيادان وتكىزۋمەن قاتار، Ravon جانە Chevrolet Niva اۆتوكولىگىن ءوندىرۋدى باستادى. 2017 جىلعى قورىتىندى بويىنشا، كومپانيا باعاسى 71،3 ملرد تەڭگە بولاتىن 5 912 ترانسپورتتىق ءونىم وندىرگەن.
2. «ازيا اۆتو» كومپانياسى 2017 جىلى جالپى قارجى كولەمى 42،7 ملرد. تەڭگە بولاتىن 11 412 اۆتوكولىك ءوندىردى.
3. «كاماز-ينجينيرينگ» قازاقستاندىق-رەسەيلىك بىرلەسكەن كاسىپورنى 13،6 ملرد. تەڭگەگە 820 جۇك كولىگىن وندىرگەن.

ال تومەندەگى كەستەدەن قازاقستاننان ەكسپورتقا جىبەرىلگەن اۆتوكولىكتەردىڭ ۇزدىك ۇشتىگىن كورە الامىز.

قازاقستاندىق اۆتوكولىكتەردى ەكسپورتتاۋ سەگىز ەسەگە ارتقان. بۇل – كوممەرسيالىق اۆتوكولىكتەر مەن جەڭىل كولىكتەردىڭ ءوندىرىسىن 36 پايىزدان 53 پايىزعا دەيىن ارتتىرۋدىڭ ناتيجەسى. 2017 جىلى قازاقستاننان الىس-جاقىن شەتەلدەرگە قۇنى 5،8 ملرد تەڭگە بولاتىن 1480 اۆتوكولىك جىبەرىلدى. شەتەلگە اتتاندىرىلعان جۇك كولىكتەرىنىڭ كوشىن باستاپ تۇرعان ءوندىرۋشى كومپانيا – Hyundai Trans Autو. Hyundai HD 78 جانە Hyundai HD 35 جۇك كولىكتەرى رەسەي، بەلارۋس، قىرعىزستانعا ەكسپورتتالعان. سونىمەن قاتار 1 205 Lada 4x4 اۆتوكولىگى قىتايعا جونەلتىلسە، 66 JAC S3 كروسسوۆەرى تاجىكستان مەن رەسەيگە ەكسپورتتالعان.

جاڭا ماركالى اۆتوكولىكتەرگە سۇرانىس 6،1 پايىزعا ارتقان.

وتاندىق اۆتوكولىكتەردىڭ ساتىلىمى بويىنشا ۇزدىك بەستىكتى اتاپ وتەيىك:

2016، 2017 جىلدارى ساتىلىم بويىنشا كوشتى باستاپ تۇرعان اۆتوكولىك – Toyota. جىل ىشىندە 9 267 اۆتوكولىك ساتىلعان.

ەكىنشى ورىنعا Lada اۆتوكولىگى جايعاستى. ساتىلىم – 8 733 دانا.

ال ۇشتىككە Ravon اۆتوكولىگى ەندى. ساتىلىم سانى – 4 621.

ءتورتىنشى ورىنعا 3 624 كولىك ساتىلعان Hyundai ورنالاستى.

ۇزدىك بەستىكتى 821 كوممەرسيالىق تەحنيكاسىمەن گاز 2 ماركاسى تۇيىندەپ تۇر.

2017 جىلدى قازاقستاندىق اۆتوكولىك نارىعىندا رەسمي تۇردە ۇسىنىلعان قىرىق بەس برەند كومپانيالاردىڭ باسىم كوپشىلىگى جاقسى ساتىلىم كورسەتكىشىمەن اياقتادى. ارزان اۆتوكولىكتەردى ساتۋ كولەمىنىڭ ارتۋى اياسىندا BMW ماركالى 503 كولىك ساتىلدى، ال Lexus ءالى الدا كەلە جاتىر – 1،164 دانا وتكىزگەن. Mercedes-Benz ماركاسى 280 ساتىلىممەن ءۇشىنشى ورىنعا تۇراقتادى.

قازاقستان اۆتوبيزنەس قاۋىمداستىعى ديرەكتورلار كەڭەسىنىڭ مۇشەسى انار ماقاشيەۆانىڭ ايتۋىنشا، 2017 جىل كاسىپكەرلەر جانە وندىرۋشىلەردىڭ ءۇمىتىن اقتاعان.

– 2017 جىلى رەسمي تۇردە ساتىلعان جاڭا اۆتوموبيلدەردىڭ ۇلەسى 75 پايىز، ال 2013-2014 جىلدارى 50 پايىزعا دا جەتپەيتىن. 2018 جىلى دا وسى ءۇردىس جالعاسادى. بيىدل ءوسىم دەڭگەيى 15-20 پايىزعا ارتادى دەپ بولجاپ وتىرمىز. بۇل ەڭ الدىمەن وتاندىق اۆتوموبيلدەرگە دەگەن سۇرانىسقا بايلانىستى، ال بيىل مەملەكەت 8 ملرد تەڭگە كولەمىندە جەڭىلدەتىلگەن نەسيەلەندىرۋگە قوسىمشا ترانش بولەتىن بولادى، – دەپ اتاپ ءوتتى انار ماقاشيەۆا.