سينوپتيكتەر 2018 جىلدىڭ 23-25 قاڭتارىنا ارنالعان اۋا رايى بولجامىن ايتتى، دەپ حابارلايدى Qamshy.kz اقپارات اگەنتتىگى قازگيدرومەت رمك وكىلدەرىنە سىلتەمە جاساپ.

قارا تەڭىز ارقىلى قالىپتاسقان ۇلكەن جانە وتە سۋىق انتيسيكلون قازاقستاننىڭ وڭتۇستىك-شىعىس باعىتىنا كوشۋدى جالعاستىرۋدا. بۇل انتيسيكلوننان تۋىنداعان اركتيكالىق سۋىقتىق رەسپۋبليكانىڭ سولتۇستىك جانە شىعىس ايماقتارىنىڭ تۇرعىندارىنا سەزىلدى. كەلەسى ءۇش تاۋلىكتە ورتالىق، وڭتۇستىك-شىعىس جانە وڭتۇستىك ايماقتاردا اياز كۇشەيەدى. سولتۇستىك، ورتالىق جانە شىعىس وڭىرلەرىندە تۇنگى تەمپەراتۋرا 40-45 گرادۋسقا، وڭتۇستىگىندە جانە وڭتۇستىك-شىعىسىندا 28-33 گرادۋسقا دەيىن تومەندەيدى، بۇل كليماتتىق نورمادان قاراعاندا 10-18 گرادۋسقا سۋىق بولاتىنىن ايتادى.

ەسكە سالا كەتسەك، اقمولا، پاۆلودار، قاراعاندى، سولتۇستىك قازاقستان جانە شىعىس قازاقستان وبلىستارىندا قاتتى ايازعا بايلانىستى داۋىل ەسكەرتۋى 26 قاڭتارعا دەيىن ساقتالادى. ءومىر جانە دەنساۋلىق ءقاۋىپcىزدىگىن قامتاماسىز ەتۋ ءۇشىن تۇرعىندارعا قىسقى ۋاقىتتا تابيعي گيدرومەتەورولوگيالىق قۇبىلىستار بولعان جاعدايدا ق ر تجم ۇسىنىمدارىمەن تانىس بولعان ءجون.