قاتتى ايازعا بايلانىستى قازاقستاننىڭ بىرنەشە وبلىسىندا سەيسەنبىدە دە مەكتەپتەردە ساباق توقتادى دەپ حابارلايدى Qamshy.kz اقپارات اگەنتتىگى ازاتتىققا سىلتەمە جاساي وتىرىپ. 23 قاڭتاردا اياز كۇشەيگەندىكتەن سولتۇستىك قازاقستان مەن شىعىس قازاقستان وبلىستارىندا جانە استانادا 1-11 سىنىپ وقۋشىلارى مەن كوللەدجدىڭ 1-2 كۋرس ستۋدەنتتەرىنە ساباق بولمايدى. «قازگيدرومەت» ورتالىعىنىڭ حابارلاۋىنشا، بۇل وڭىرلەردە اۋا تەمپەراتۋراسى تۇندە -35، -38 گرادۋسقا دەيىن جەتكەن.

پاۆلودار جانە قاراعاندى وبلىستارىندا جانە قوستانايدا 1-11 سىنىپ وقۋشىلارىنا ساباق توقتاتىلدى.

قازاقستاننىڭ سولتۇستىگى مەن شىعىسىنداعى وبلىستاردا ايازدىڭ كۇشەيۋىنەن 22 قاڭتاردان بەرى مەكتەپتەردە ساباق توقتاتىلىپ جاتىر.

"قازگيدرومەت" 22-26 قاڭتار اراسىندا قازاقستاننىڭ بىرنەشە وبلىسىندا كۇندىز -30-35، تۇندە -40-45 گرادۋسقا دەيىن اياز بولاتىنىن ەسكەرتكەن.