قازاققا ايران دەپ، سۋ قوسىلعان شالاپتى ساتاتىن تۇرىك ءدامحانالارى جايلى اينۇر تولەۋ ەسىمدى Facebook قولدانۋشىسى جازدى. اينۇردىڭ ايتۋىنشا قازاقتىڭ دۇنيەتانىمىنا عاسىرلار بويى ايران دەپ سىڭگەن ۇلتتىق سۋسىندى تۇرىكتەر بىرنەشە جىلدىڭ ىشىندە سۋ قوسىلعان سۇيىقتىقپەن اۋىستىرىپ جىبەرىپ وتىر.
"قازاقتىڭ ايرانى قويۋ، ءسۇتتى ەپپەن ۇيۋتۋدىڭ ناتيجەسىندە پايدا بولاتىن قويمالجىڭ اس. بىرنەشە جىل بولدى تۇرىكتەر دونەرلەرىمەن بىرگە ايران دەپ سۋ قوسىلعان اق سۇيىقتىقتى ۇسىنادى. ءبىزدىڭ جاقتا مالتانى سۋعا ەزۋ ارقىلى، نەمەسە دورباداعى قاتىقتى ەزۋ ارقىلى سونداي سۇيىقتىق جاساۋشى ەدى. ونى ءبىز شالاپ دەپ اتايتىنبىز. ەندى سۇراق تۇرىكتەر سۇيىق شالاپتى ايران دەپ ايتقانى ءۇشىن نەگە ءبىز دە ونى ايران دەپ اتاۋىمىز كەرەك. ءبىزدىڭ ەلگە كەلىپ، كاسىپتەرىن جۇرگىزىپ، سونىمەن قاتار ءبىزدىڭ دۇنيەتانىمىمىزدى وسىلاي-وپ-وڭاي وزگەرتە بەرە مە؟ مىناۋىڭ ايران ەمەس، شالاپ قوي دەپ ايتقاندارىڭىز بار ما؟ الدە ايران دەپ ساتىپ الىپ ءجۇرسىز بە؟" دەيدى ا.تولەۋ.
