«قازاقستان رەپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋسيالىق زاڭىنىڭ 101ء-شى جانە 113ء-شى باپتارىنا سايكەس 2018 جىلعى 25 ناۋرىزدا شىعىپ قالعان ءماسليحات دەپۋتاتتارىنىڭ ورنىنا سايلاۋ وتەدى، دەپ جازادى Qamshy.kz اقپارات اگەنتتىگى.

سايلاۋ ناۋقانى قازاقستان رەسپۋبليكاسىنىڭ 68 وكرۋگىندا وتەدى.  اقمولا وبلىسى بويىنشا 3 دەپۋتات، اقتوبە  – 4، الماتى - 6، اتىراۋ - 6، شىعىس قازاقستان – 2، جامبىل – 3، باتىس قازاقستان - 4، قاراعاندى – 9، قوستاناي – 13، قىزىلوردا – 4، مانعىستاۋ – 1، پاۆلودار – 5، سولتۇستىك قازاقستان – 3، وڭتۇستىك قازاقستان وبلىسى – 3، الماتى قالاسى بويىنشا 2 دەپۋتات سايلانادى. استانا قالاسىندا بوس وكرۋگتەردىڭ بولماۋىنا بايلانىستى دەپۋتاتتاردى سايلاۋ وتكىزىلمەيدى. 

68 دەپۋتاتتىڭ 10-ى وبلىستىق، 17ء-ى قالالىق  جانە 41ء-ى اۋداندىق ماسليحاتتارعا سايلانادى.  

دەپۋتاتتاردىڭ وكىلەتتىلىكتەرىنىڭ مەرزىمنەن تىس توقتاتىلۋىنا كەلەسى سەبەپتەر نەگىز بولعان: ءتيىستى اكىمشىلىك-اۋماقتىق بىرلىكتەن باسقا تۇراقتى ورىنعا كەتۋى؛  باسقا جۇمىسقا اۋىسۋى، جەكە ءوتىنىشى، دەپۋتاتتىڭ ءولىمى جانە  سوتتىڭ ايىپتاۋ ۇكىمىنىڭ زاڭدى كۇشىنە ەنۋى.

2018 جىلعى 25 قاڭتاردا قازاقستاندا شىعىپ قالعان ءماسليحات دەپۋتاتتارىنىڭ ورنىنا كانديداتتاردى ۇسىنۋ باستالدى. دەپۋتاتتىققا كانديداتتاردى ۇسىنۋ 2018 جىلعى 25 اقپانعا دەيىن جالعاسادى.

اعىمداعى جىلدىڭ 31 قاڭتارىنداعى احۋالعا سايكەس،  الماتى قالاسىنىڭ 2 سايلاۋ وكرۋگى بويىنشا 7 كانديدات ۇسىنىلعان.