ورتالىق كوممۋنيكاسيالار قىزمەتىندە مىندەتتى الەۋمەتتىك ساقتاندىرۋ جۇيەسىنىڭ ەلىمىزدە قىزمەت اتقارۋىنىڭ وزەكتى اسپەكتىلەرىنە ارنالعان باسپا ءسوز كونفەرەنسياسى ءوتتى، دەپ جازادى Qamshy.kz اقپارات اگەنتتىگى.
ءىس-شاراعا «مەملەكەتتىك الەۋمەتتىك ساقتاندىرۋ قورى» اق-نىڭ پرەزيدەنتى ساۋلە دۇيسەنوۆا جانە باسقارۋشى ديرەكتورى نۇرسۇلۋ كەمەل قاتىستى.
2017 جىلى 772 مىڭنان استام قازاقستاندىقتار مەملەكەتتىك الەۋمەتتىك ساقتاندىرۋ قورىنان 156،5 ملرد. تەڭگە مولشەرىندە الەۋمەتتىك تولەمدەر الدى.
جۇكتىلىك پەن بوسانۋعا، جاڭا تۋعان بالانى اسىراپ الۋعا جۇمسالعان قارجى 62،2 ملرد. تەڭگەگە جەتسە، بالانىڭ ءبىر جاسقا تولۋىنا بايلانىستى كۇتىمىنە 74،1 ملرد.، ەڭبەككە جارامسىزدىققا قاتىستى 9،9 ملرد.، اسىراۋشىسىنان ايىرىلۋ بويىنشا 7،8 ملرد. جانە جۇمىسسىز قالۋعا قاتىستى 2،1 ملرد تەڭگە قاراستىرىلعان.
2018 جىلى 1 قاڭتارداعى جاعداي بويىنشا قازاقستاندا 5،9 ملن. ادام ءۇشىن الەۋمەتتىك
اۋدارىمدار جاسالدى.
الەۋمەتتىك اۋدارىمدار جۇمىسشىنىڭ ەڭبەكاقىسىنان ۇستالىنبايدى، ولار جۇمىس بەرۋشىنىڭ قارجىسى ەسەبىنەن تولەنەدى. دەمەك جۇمىسشى ءوز مەنشىك قاراجاتىن جۇمسامايدى. الەۋمەتتىك اۋدارىمداردىڭ مولشەرلەمەسى تابىستىڭ 3،5 %-ىن قۇرايدى.
الەۋمەتتىك تولەمدەردىڭ ساتىپ الۋ قابىلەتتىلىكتەرىن قولداۋ ماقساتىندا ماكروەكونوميكالىق پارامەترلەردىڭ وزگەرىستەرىن، ونىڭ ىشىندە قۇنسىزدانۋلاردى ەسكەرە وتىرىپ، ءماسق اكتيۆتەرىنىڭ ەسەبىنەن ءار جىل سايىن ەڭبەك ەتۋ قابىلەتىنەن جانە اسىراۋشىسىنان ايىرىلۋى بويىنشا تولەمدەردىڭ مولشەرى ءوسىپ وتىراتىنىن اتاپ ءوتۋ قاجەت. 1 قاڭتاردان باستاپ وسى ساناتتاعى 100 مىڭعا جۋىق تولەم الۋشىلارعا الەۋمەتتىك تولەمدەر مولشەرى 16%-عا ارتتىرىلدى.
مىندەتتى الەۋمەتتىك ساقتاندىرۋ – بۇل ەڭبەك ەتۋ قابىلەتىنەن، وتباسى اسىراۋشىسىنان، جۇمىسىنان ايىرىلعاندا، جۇكتىلىگىنە جانە بوسانۋىنا بايلانىستى نەمەسە جاڭا تۋعان بالانى اسىراپ العاندا، سونىمەن قاتار بالا 1 جاسقا تولعانعا دەيىنگى كۇتىمىنە بايلانىستى تابىسىنان ايىرىلعان جاعداي تۋىنداعاندا، جۇمىس ىستەيتىن حالىقتى قولداۋ ءۇشىن قوسىمشا قورعاۋ دەڭگەيى. وسى اتالعان جاعدايلاردا جۇيەگە قاتىسۋشى (دەمەك، ول ءۇشىن الەۋمەتتىك اۋدارىمدار جۇرگىزگەن جاعدايدا) نەمەسە ونىڭ وتباسى مەملەكەت تولەيتىن الەۋمەتتىك جاردەماقىلارعا قوسىمشا ءماسق الەۋمەتتىك تولەمدەر الادى.
قازاقستاندا مىندەتتى الەۋمەتتىك ساقتاندىرۋ جۇيەسى ەنگىزىلگەن ساتتەن باستاپ 4 ملن. جۋىق ادام ءماسق-نان جالپى سوماسى 905 ملرد. تەڭگەدەن استام الەۋمەتتىك تولەمدەر الدى.
