سارا كاس فەيسبۋكتە مودەراتور بولىپ قىزمەت اتقارعان دەپ جازادى Qamshy.kz اقپارات اگەنتتىگى BBC-گە سىلتەمە جاساپ. ونىڭ ايتۋىنشا،  فەيسبۋكتەگى 8 اي جۇمىستان كەيىن پسيحولوگتىڭ كومەگىنە جۇگىنگىسى كەلگەن.

«مەنىڭ جۇمىسىم پورنوگرافيا تولى بولاتىن» - دەپ ەسكە الادى سارا.

الدىڭعى جىلى سارا فەيسبۋكتىڭ كاليفورنياداعى اگەنتتىگىندە جۇمىس ىستەدى. سارامەن قاتار اگەنتتىكتە جۇزدەگەن مودەراتور ەڭبەك ەتتى.

«جۇمىس بەرۋشى قانداي اقپاراتپەن جۇمىس ىستەۋىمىز مۇمكىن ەكەنىن ەسكەرتكەن» دەيدى سارا.

ونىڭ جۇمىسى - فەيسبۋكتەگى جەلى قولدانۋشىلارىنىڭ شاعىمى بويىنشا تەكسەرۋ جۇمىستارىن جۇرگىزۋ.

جانتۇرشىگەرلىك فوتو، ۆيدەولار

- بىزگە ءبىر پوستتىڭ سپام، سپام ەمەس ەكەنىن انىقتاپ، ونى ءوشىرۋدىڭ قاجەتى بار، جوعىن تۇسىنۋگە ءبىر مينۋت بەرەتىن. كەيدە ءبىز ءپروفيلدى ءوشىرىپ تاستايتانبىز.

باسشىلىق بىزدەن 8 ساعاتتان ارتىق جۇمىس ىستەۋدى تالاپ ەتپەيتىن. وسى ۋاقىت ارالىعىندا ءبىز 8 مىڭ جازبانى قارايتىنبىز. بۇل – ءبىر ساعاتتا مىڭ جازبا.

ماعان كەزدەسكەن پوستتاردىڭ جارتىسى بالالار پورنوگرافياسى بولاتىن. سۋرەتتە ەكى بالا بولدى. ۇلدىڭ جاسى – 12-لەر شاماسى، ەكىنشىسى قىز. ونىڭ جاسى 8 جاس توڭىرەگىندە. ولار بىر-بىرىنە قاراما-قارسى تۇرىپ، ءبىر-بىرىن ايمالاپ تۇردى.

بىرەۋ ولارعا نە ىستەۋ كەرەكتىگىن كورسەتىپ تۇرعانداي. كورىنىس جانتۇرشىگەرلىك ەدى. سەبەبى بارلىعى شىنايى ومىردە بولىپ جاتتى.

مۇنداي پوستتار وتە تەز جىلدامدىقپەن تارالاتىن. ءبىر كۇندە 6 ادامنىڭ جەلىسىندە جاريالاندى. سوندىقتان ەڭ ءبىرىنشى بولىپ جاريالاعان جەلى قولدانۋشىسىن تابۋ قيىنعا سوعادى.

بىزگە سۇمدىق جازبا، ۆيدەو، سۋرەتتەردى كورۋىمىز مۇمكىن ەكەنىن ەسكەرتكەن. وعان ىشتەي دايىنمىن دەپ ويلايسىڭ، الايدا ونداي جاعدايمەن بەتپە-بەت كەلگەندە ەسەڭگىرەپ قالاسىڭ. ەگەر جۇمىستا ماعان پسيحولوگتىڭ كومەگىن ۇسىنسا، ويلانباستان كومەگىنە جۇگىنەر ەدىم، - دەيدى سارا.

اياۋسىز زورلىق

- ۋاقىت وتە كەلە العاشقى كەزدەگىدەي شوشىمايسىڭ. جۇمىس پسيحولوگيالىق تۇرعىدا وڭايعا سوعادى دەپ ايتا المايمىن، دەسەك تە بويىڭ ۇيرەنەدى ەكەن.

ەرەسەك ادامداردىڭ جىنىستىق قاتىناسقا تۇسكەن ۆيدەوسى كوپ جاريالاناتىن. اراسىندا زووفيلدەر دە بولدى. جىلقىمەن جىنىستىق قاتىناسقا تۇسكەن ادامنىڭ ۆيدەوسى جاريالانعان. ونى كوپ ادام بولىسكەندىكتەن، تۇبىرىمەن جەلىدەن ءوشىرىپ تاستاۋ مۇمكىن بولمادى.

سونىمەن قاتار، زورلىق كورگەن، قايتىس بولعان ادامداردىڭ دا فوتو، ۆيدەولارى جاريالاناتىن. ماسەلەن، باسىنا وق تيگەن ادام، دەنەسى بولشەكتەلگەن ءمايىت.

مودەراسيا ەرەجەسى زورلىق ماتەريالدارىنا قاراعاندا پورنوگرافيالىق پوستتارعا قاتىستى وتە قاتال بولاتىن.

فەيسبۋك جاۋابى

بي-بي-سي سارانىڭ ايتقانىن فەيسبۋككە جولدادى. اتالعان كومپانيا وكىلدەرى مودەراتورلاردىڭ الەۋمەتتىك جەلىنى ءقاۋىپسىز ەتۋ جولىنداعى ەڭبەگى وراسان زور ەكەنىن ايتادى.

«ءبىز قىزمەتكەرلەرىمىزگە ترەنينگتەر وتكىزىپ، پسيحولوگيالىق كومەك كورسەتەمىز. كەيدە جاساندى ينتتەللەكتتى قولدانساق تا 7000 ادام جۇمىس ىستەيدى.  ولاردىڭ جاعدايى ءبىز ءۇشىن وتە ماڭىزدى» دەلىنگەن جاۋاپتا.