تورونتو ۋنيۆەرسيتەتىنىڭ عالىمدارىنىڭ مالىمدەۋىنشە، جالعىزباستى اكەلەر بالانى جالعىز تاربيەلەيتىن انالارعا قاراعاندا مەزگىلىنەن بۇرىن قايتىس بولادى. بۇل جايىندا Life.ru حابارلايدى.

ال ونىڭ سەبەبى ءالى تولىقتاي اشىلماي وتىر. "كوپ جاعدايدا ەر ادامداردىڭ سالاۋاتتى ءومىر سالتىن ۇستانباۋىنان جانە دارىگەردىڭ كومەگىن قابىلداماۋدان"،- دەيدى عالىمدار. 

زەرتتەۋدى جاساعان عالىمدار 11 جىل بويى 4590 جالعىزباستى انالار مەن 891 جالعىزباستى اكەلەردىڭ باقىلاعان. بارلىعى كانادالىق جانە ورتاشا جاس – 40 جاس. 700 ايەل باقىلاۋ كەزىندە كوز جۇمعان. ال جالعىزباستى اكەلەردىڭ سانى بۇل كورسەتكىشتەن ەكى ەسە كوپ.

وسىعان قاراپ ەر ادام سەرىگى قايتىس بولسا نەمەسە ايەلىمەن اجىراسقان جاعدايدا كۇيزەلىسكە  تۇسەتىنىن ايتۋعا بولادى.

عالىمداردىڭ ايتۋىنشا، جالعىزباستى ەر ادامدار تەز تاماققا قۇمار بولادى. ال ول ءولىمنىڭ سەبەبىن ارتتىرادى. جانە سپورتپەن شۇعىلدانۋدان باس تارتادى.