مەملەكەت باسشىسى باكۋ قالاسىنداعى ءورت سالدارىنان كوپ ادامنىڭ قازا بولعانى تۋرالى حابارعا بايلانىستى ءازىربايجان پرەزيدەنتىنە كوڭىل ايتۋ جەدەلحاتىن جولدادى. بۇل تۋرالى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ حابارلايدى.
«باۋىرلاس ءازىربايجان حالقىنىڭ قايعىسىنا ورتاقتاسىپ، قازا بولعانداردىڭ تۋىستارى مەن جاقىندارىنا قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن. زارداپ شەككەندەردىڭ تەزىرەك ساۋىعىپ كەتۋىنە تىلەكتەسپىن»، – دەلىنگەن جەدەلحاتتا.
