17 اقپاندا ساعات 11-دە ەربول ءابدىعالي اقتوبەدەگى كوپقاباتتى تۇرعىن ۇيدەن شىعىپ كەتىپ قايتا ورالماعان. جاس جىگىت اعاسىنا دەمالىس ۋاقىتىندا كەلىپ كەتكەن. بۇل تۋرالى timeskz.kz-كە سىلتەمە بەرىپ Qamshy.kz اقپارات اگەنتتىگى حابارلايدى.
اعاسىنىڭ ايتۋىنشا، ەربولدىڭ اناسى بىرنەشە جىل بۇرىن كوز جۇمعان، ال اكەسى شارۋا قوجالىعىندا جۇمىس ىستەيدى ەكەن. ەربول ءوزى وقيتىن ويىل اگرارلىق كوللەدجىنىڭ جاتاقحاناسىندا تۇرىپ جاتقان. اقتوبەگە اعاسىمەن بىرگە جۇمىس ىستەپ اقشا تابۋ ءۇشىن كەلگەن. ءجاسوسپىرىمنىڭ تۋىستارى ونىڭ قايدا كەتكەنىن بىلمەيدى.
ونىڭ اعاسى ەربولمەن حابارلاسا الماي قالعان. سەبەبى جىگىت تەلەفونىن ساتىپ جىبەرگەن ەكەن.
