«حالقىمىز ۇلى كۇنگە بالاعان، جىل باسى ساناعان جاسامپاز ناۋرىز – بىرلىك پەن مەرەكە مەيرامى. قايتا جاڭارعان ناۋرىزدىڭ تاريحى – ءبىزدىڭ تاۋەلسىزدىگىمىزدىڭ تاريحى! ءبىز كونە تاريحىمىزدان كۇش-قۋات الىپ، تاۋەلسىزدىك تۋرالى ءوز ارمانىمىزدى جۇزەگە اسىرا الدىق»، - دەگەن ەدى پرەزيدەنت نۇرسۇلتان نازاربايەۆ. ەلباسى سوزىنە سايكەس، مادەنيەت جانە سپورت مينيسترلىگى يگى ءىستى قولعا الدى. مينيسترلىككە قاراستى بارلىق مەكەمەلەر 1 ناۋرىزدان باستاپ عيماراتتارىن ۇلتتىق مەرەكەگە ساي بەزەندىرىپ، ناۋرىز مەرەكەسىن ناسيحاتتاۋعا كىرىستى. جاقسى باستاماعا العاشقىلاردىڭ ءبىرى بولىپ ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى قولداۋ كورسەتتى.

- ناۋرىز – تاريحي مازمۇنى تەرەڭ، الەۋمەتتىك-رۋحاني ءمانى زور مەيرام. بۇل قاسيەتتى مەرەكەدەن ۇلتىمىزدىڭ بولمىسىن، ءسالت-داستۇرىمىزدىڭ ايقىن ناقىشىن كورەمىز. سوندىقتان ءتول مەرەكەمىزدى تورگە شىعاراتىن ۋاقىت جەتتى. مادەنيەت جانە سپورت مينيسترلىگى قولعا العان ىگى ىسكە قۋانا كەلىسىپ، تەك مەكەمە سىرتىن ەمەس، بۇكىل ارىپتەستەرىمىزبەن ءاربىر كابينەتتى مەرەكەگە ساي بەزەندىردىك. البەتتە، مەرەكە تەك سىرتقى سان-سالتاناتىمەن ەمەس، مازمۇنىمەن ءماندى،- دەيدى باسپا ءبولىمىنىڭ باسشىسى ءالىم ءسادۋاقاس ۇلى.