باتىس قازاقستان وبلىسىندا تۇرعىنداردى باسپانامەن قامتۋ ماسەلەسى جوسپارلى جۇزەگە اسۋدا. وسى ورايدا «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىنىڭ بەسىنشى باعىتىندا قۇرىلىسقا جانە كوممۋنالدىق سەكتورعا زاماناۋي تەحنولوگيالاردى ەنگىزۋ قاجەتتىگى قاراستىرىلعان ەدى. وتكەن جىلى وڭىردە 392،2 مىڭ شارشى مەتر تۇرعىن ءۇي قولدانىسقا بەرىلدى. ال بيىل 304،0 مىڭ شارشى مەتر تۇرعىن ءۇيدىڭ قۇرىلىسىن اياقتاپ، تاپسىرۋ جوسپارلانىپ وتىر.
-باتىس قازاقستان وبلىسى بويىنشا بىلتىر تۇرعىن ءۇي قۇرىلىسى ءبورلى اۋدانىندا قارقىندى جۇرگىزىلىپ، ونىڭ اۋماعى 48 374 مىڭ شارشى مەتردى قۇرادى. زەلەنوۆ اۋدانىندا 18 658 مىڭ شارشى مەتر، تەرەكتى اۋدانىندا 16 605 مىڭ شارشى مەتردى قۇراسا، ورال قالاسىندا 269 139 مىڭ شارشى مەتر باسپانا سالىندى. سونىمەن قاتار وتكەن جىلى اۋىلدىق ەلدى مەكەندەردە 113 تۇرعىن ءۇيدىڭ قۇرىلىسى اياقتالعان بولاتىن. ماسەلەن، اقجايىق اۋدانىندا 6، بوكەي ورداسى اۋدانىندا 10، قازتالوۆ اۋدانىندا 22، سىرىم اۋدانىندا 24 جانە شىڭعىرلاۋ اۋدانىندا 35 ءۇي بوي كوتەردى. اعىمداعى جىلى جانىبەك، تەرەكتى، قاراتوبە، بوكەي ورداسى جانە جاڭاقالا اۋداندارىندا جالدامالى-كوممۋنالدىق تۇرعىن ۇيلەردىڭ قۇرىلىسى جۇرگىزىلۋدە.وبلىسىمىزدا موينىنا العان مىندەتىن ءمىنسىز اتقارىپ، سەنىمدى اقتاپ جۇرگەن قۇرىلىس كومپانيالارى قاتارىندا «التاير»، «سكف وتدەلستروي »، «KCG»، «بولاشاق-ت»، «پمك-117»، «جيەنباي»،«ۋرالسكۆودستروي» سىندى جشس-لار جانە «دوموسترويتەل» ءوق بار. ال سالىنىپ جاتقان نىساننىڭ قۇرىلىس ساپاسىن تەحنيكالىق قاداعالاۋ مەن اۆتورلىق قاداعالاۋدى وبلىستىق مەملەكەتتىك ساۋلەت-قۇرىلىس باقىلاۋى باسقارماسى جۇرگىزەدى،- دەيدى باتىس قازاقستان وبلىستىق قۇرىلىس باسقارماسىنىڭ باسشىسى ارمان وكسىكبايەۆ.
ق ر ۇكىمەتىنىڭ 2010 جىلعى 30 قىركۇيەكتەگى №1004 قاۋلىسى نەگىزىندە ورال قالاسىندا «سۆ پليۋس» جانە «بولاشاق-ت» جشس-لار ءۇي قۇرىلىسى كومبيناتتارىن قۇرىپ، جۇمىسىن باستاعان بولاتىن. سوعان وراي ءقازىر ۇيلەر جوعارى ساپادا سالىنىپ، قۇرىلىس مەرزىمى قىسقارۋدا. سونىمەن قاتار قۇرىلىسقا جەرگىلىكتى ونىمدەر قولدانىلادى. وتكەن جىلى «نۇرلى جەر» باعدارلاماسى شەڭبەرىندە ءتورت پانەلدى ءۇي قولدانىسقا بەرىلدى جانە كىرپىشپەن تولىقتىرىلعان ءۇش كاركاستىق-مونوليتتىك ءۇي بوي كوتەردى. سونىمەن بىرگە كىرپىش ۇيلەر دە تۇرعىزىلۋدا. اتالمىش ەكى ءۇي قۇرىلىسى كومبيناتىنىڭ جانە كىرپىش زاۋىتىنىڭ ونىمدەرىنە دەگەن سۇرانىس جوعارى.
الەۋمەتتىك نىسانداردىڭ دا سالىنۋ قارقى جاقسى. ماسەلەن، وتكەن جىلى وبلىس بويىنشا «نۇرلى جول» مەملەكەتتىك باعدارلاماسىن جۇزەگە اسىرۋ شەڭبەرىندە ۇلتتىق قور قاراجاتى ەسەبىنەن ەكى ءبىلىم بەرۋ نىسانىنىڭ قۇرىلىسى اياقتالدى. ولاردىڭ ءبىرى دەركول كەنتىندەگى 600 وقۋشىعا ارنالعان مەكتەپ بولسا، ەكىنشىسى، ورال قالاسىنداعى 300 بالانى قامتيتىن №4 ورتا جالپى ءبىلىم بەرەتىن مەكتەپ. سونىمەن قاتار جەرگىلىكتى بيۋدجەت ەسەبىنەن قازتالوۆ اۋدانىنىڭ ورتالىعىندا 100 ورىندىق مەكتەپ-ينتەرناتى، جانىبەكتەگى اقوبا اۋىلىنداعى ورتا مەكتەپكە جاپسارلاس سپورت زال سالىندى.
سونداي-اق تەرەكتى اۋدانىنداعى پودستەپنىي اۋىلىندا 300 ورىندىق مادەنيەت ءۇيى، زەلەنوۆ اۋدانىنا قاراستى كالينين اۋىلىندا 160 كەلۋشىگە ارنالعان دەنە شىنىقتىرۋ-ساۋىقتىرۋ كەشەنى، ءبورلى اۋدانىنداعى كەڭتۇبەك اۋىلىندا فەلدشەرلىك-اكۋشەرلىك پۋنكت پەن ۋسپەندە مەديسينالىق پۋنكت بوي كوتەردى. بۇل نىسانداردىڭ يگىلىگىن حالىق كورىپ، ەل ەكونوميكاسىنىڭ قارقىندى دامۋىنا ۇلەس قوسارى ءسوزسىز.
