بيىل بقو-داعى اۋىل شارۋاشىلىعى داقىلدارى ەگىستىگىنىڭ جالپى اۋماعى 513،5 مىڭ گەكتاردى قۇرايدى. وتكەن جىلى ەگىستىك اۋماعى 491،4 مىڭ گەكتار شاماسىندا بولعان. وبلىستىق اۋىل شارۋاشىلىعى باسقارماسى باسشىسىنىڭ ورىنباسارى ساتقان ءومىرزاقوۆتىڭ ايتۋىنشا، ەگىن شارۋاشىلىعىمەن اينالىساتىن شارۋاشىلىقتار سوڭعى جىلدارى ءداندى جانە مايلى داقىلدار وسىرۋگە ءمان بەرۋدە. وسى ورايدا ەلباسى بيىلعى جولداۋىندا اگرارلىق ساياساتتىڭ ەڭبەك ونىمدىلىگىن تۇبەگەيلى ارتتىرۋعا جانە وڭدەلگەن ءونىمنىڭ ەكسپورتىن ۇلعايتۋ قاجەتتىگىن ايتقان بولاتىن.

– وبلىس تۇقىممەن تولىق قامتىلعان. جازدىق ءداندى داقىلدار تۇقىمىنا دەگەن قاجەتتىلىك 20 مىڭ 770 توننا بولسا، قولدا بارى – 22 مىڭ 150 توننا. وڭىردە جوعارى رەپرودۋكسيالى تۇقىم وندىرىسىمەن ءبىر ەليتالىق جانە بەس تۇقىم شارۋاشىلىعى اينالىسادى. تۇقىم شارۋاشىلىقتارىمەن 6،8 مىڭ توننا تۇقىم ءوندىرىلىپ، 3،5 مىڭ توننا جوعارى ساپالى، اۋدانداستىرىلعان ءداندى داقىلدار تۇقىمى ساتتىققا دايىندالعان. ونىڭ شىندە جازدىق بيداي تۇقىمى 2800 توننانى، ارپا 428 توننانى، س ۇلى 63 توننانى قۇرايدى. شارۋالار جەتپەيتىن تۇقىمدى تۇقىم شارۋاشىلىقتارىنان ساتىپ الا الادى، – دەدى ساتقان ەرجان ۇلى. مىسالعا، وڭىردەگى جالعىز ەليتالىق تۇقىم شارۋاشىلىعى «ورال اۋىل شارۋاشىلىعى تاجىريبە ستانساسى» ج ش س 209 توننا «ۆولگوۋرالسكايا» سۇرىپتى بيدايدىڭ ەليتالىق تۇقىمىن، 424 توننا «ۆولگوۋرالسكايا» سۇرىپتى 1-رەپرودۋكسيالى بيداي، 50 توننا «دونەسكيي-8» سۇرىپتى ەليتالىق ارپا، 229 توننا «دونەسكيي-8» سۇرىپتى 1-رەپرودۋكسيالى جانە 140 توننا 2، 3-رەپرودۋكسيالى ارپا تۇقىمدارىن ساتتىققا ۇسىنادى. سونداي-اق «تۇلپار LTD» ج ش س 200 توننا «ۆولگوۋرالسكايا» سۇرىپتى 1-رەپرودۋكسيالى، 300 توننا «ساراتوۆسكايا-42» سۇرىپتى 2-رەپرودۋكسيالى، «رازدولە» ج ش س 1461 توننا «البيدۋم-32» سۇرىپتى 1-رەپرودۋكسيالى بيداي تۇقىمدارىن شارۋالارعا ءتيىمدى باعامەن ۇسىنادى. ەگىنمەن اينالىساتىن شارۋاشىلىقتاردىڭ مايلى داقىلدار تۇقىمىنا دەگەن قاجەتتىلىگى 500 توننانى قۇرايدى. بۇگىندە شارۋاشىلىقتار 725 توننا (145%) مايلى داقىلدار تۇقىمىن دايىنداعان.

بيىلعى جىلعا وبلىسقا تۇقىم شارۋاشىلىعىن دامىتۋدى سۋبسيديالاۋ باعدارلاماسى بويىنشا 192،4 ملن. تەڭگە ءبولىندى. اتالمىش قارجىلىق قولداۋ تاۋار وندىرۋشىلەردىڭ، ەليتالىق جانە  وزگە دە تۇقىم شارۋاشىلىقتارىنىڭ سۇرىپتاردى جاڭالاۋ، ەليتالىق 1- رەپرودۋكسيالى جانە گيبريدتى تۇقىمداردى ساتىپ الۋ شىعىندارىن ءىشىنارا ارزانداتۋعا باعىتتالعان. بۇل باعدارلاما اۋدانداستىرىلعان تۇقىم سۇرىپتارىن ساتىپ الۋ شىعىندارىنىڭ 70%-ىن جانە اۋىل شارۋاشىلىعى داقىلدارىنىڭ اۋدانداستىرىلماعان سۇرىپتارىن ساتىپ الۋ شىعىندارىنىڭ 30%-ىن سۋبسيديالاۋدى كوزدەيدى.

بيىل وبلىستاعى 622 شارۋاشىلىق قۇرىلىمى ەگىن ەگۋگە قام جاساۋدا. كوكتەمگى دالالىق جۇمىستارعا 4215 تراكتور، 4965 دانسەپكىش، 811 قوپسىتقىش جانە «دجون دير»، «فلەكسيكويل»، «كەيس»،«حورش» ماركالى جوعارى ءونىمدى 47 ەگىس كەشەنى قاتىسادى. وڭىردەگى كوكتەمگى دالالىق جۇمىستاردى جۇرگىزۋگە 12 مىڭ توننا ديزەل وتىنى ءبولىندى. ءساۋىر ايىنا 5 مىڭ توننا، مامىر ايىنا 7 مىڭ توننا جانار-جاعارماي جەتكىزىلەتىن بولدى.