قازاقستان رەسپۋبليكاسى پرەزيدەنتى ن.ءا.نازاربايەۆتىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا ءمۇمكىندىكتەرى» اتتى حالىققا جولداۋىن جۇزەگە اسىرۋ اياسىندا كوك بازاردىڭ الدىنداعى الاڭدا مەدەۋ اۋدانى اكىمىنىڭ كەزەكتى كوشپەلى قوعامدىق قابىلداۋى ءوتتى. ءىس-شاراعا مەدەۋ اۋدانىنىڭ اكىمى ە.جىلقىبايەۆ، قالالىق باسقارمالار قۇرىلىمدارىنىڭ وكىلدەرى، اۋدان پروكۋرورى، اۋداندىق جەرگىلىكتى پوليسيا، توتەنشە جاعدايلار، تۇتىنۋشىلاردىڭ قۇقىقتارىن قورعاۋ، جۇمىسپەن قامتۋ الەۋمەتتىك باعدارلامالار، ءبىلىم بولىمدەرىنىڭ باسشىلارى، كاسىپكەرلەر پالاتاسى، «دامۋ» قورى وكىلدەرى جانە تاعى باسقا اۋداندىق قۇرىلىمداردىڭ وكىلدەرى قاتىستى.
ءىس-شارانىڭ ماقساتى – بيلىك پەن حالىق اراسىنداعى بايلانىستى نىعايتۋ، تۇرعىندار اراسىندا كۇندەلىكتى شەشىمىن تاپپاي جۇرگەن تۇيتكىلدى ماسەلەلەردىڭ وڭ شەشىمىن تابۋ، كەڭەستەر بەرۋ، اقپاراتتاندىرۋ بولدى.
كوشپەلى قابىلداۋ اۋدان اكىمى اپپاراتىنىڭ باستاماسىمەن 2017 جىلدان بەرى وتكىزىلىپ كەلەدى.
– ءبىز ءاردايىم اشىق ءارى قولجەتىمدىمىز. ياعني حالىق اراسىندامىز. مەملەكەت باسشىسى ايتقانداي، كەڭسەدە وتىرۋعا بولمايدى. ادامدار وزدەرىنە كومەكتەسەتىن لاۋازىم يەلەرىن ىزدەپ كەڭسەلەرگە بارۋعا ءتيىس ەمەس. ءبىز ءاردايىم كەزدەسۋلەر ۇيىمداستىرىپ وتىرامىز. ونداي جيىنداردا تۇرعىندار سۇراق قويىپ، كوكەيگە قونىمدى جاۋابىن الىپ قايتۋلارى كەرەك. ەگەر مۇنداي كەزدەسۋلەردە كەي ماسەلەلەر شەشىلمەي جاتسا، ءبىز جاۋاپتى ءبولىم ماماندارىمەن بىرگە ونى بەلگىلەپ الامىز. ءبارى رەتتەلەدى، – دەدى اۋدان اكىمى ەرجان جىلقىبايەۆ.
اۋداندا الداعى ۋاقىتتا مۇنداي كوشپەلى قابىلداۋ «الاتاۋ»، «دۋمان» ىقشاماۋداندارىندا، وقۋشىلار سارايىنىڭ الدىنداعى الاڭدا وتكىزىلەتىن بولادى. تۇرعىندار الدىن-الا اقپاراتتانىرىلادى.
قابىلداۋعا مەدەۋ اۋدانى اكىمى، قالالىق ماسليحات دەپۋتاتى، ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ الماتى قالاسى بويىنشا باسقارمانىڭ باسشىسى، اۋدان پروكۋرورى، الماتى قالاسى مەملەكەتتىك ساۋلەت-قۇرىلىس باقىلاۋ باسقارماسىنىڭ باسشىسى، الماتى قالاسى تۇرعىن ءۇي جانە تۇرعىن ءۇي ينسپەكسياسى باسقارماسىنىڭ باسشىسى، الماتى قالاسى قۇرىلىس باسقارماسى باسشىنىڭ ورىنباسارى، الماتى قالاسى جەردىڭ پايدالانۋى مەن قورعالۋىن باقىلاۋ باسقارماسىنىڭ باسشىسى، اۋداندىق جەرگىلىكتى پوليسيا، توتەنشە جاعدايلار، تۇتىنۋشىلاردىڭ قۇقىقتارىن قورعاۋ، جۇمىسپەن قامتۋ الەۋمەتتىك باعدارلامالار، ءبىلىم بولىمدەرىنىڭ باسشىلارى، كاسىپكەرلەر پالاتاسى، «دامۋ» قورى وكىلدەرى جانە ت.ب اۋداندىق قۇرىلىمدار، 100 دەن اسا اۋدان تۇرعىنى قاتىستى.
– بۇعان دەيىن بۇل شارا «كوك بازار» جانىندا 2 رەت جانە شۋحوۆ كوشەسى بويىنداعى №2 قالالىق ەمحانا، الماتى قالاسىنىڭ وقۋشىلار سارايى جانىندا جانە «دۋمان» ىقشام اۋدانىندا ۇيىمداستىرىلىپ، ناتيجەسىندە 700-گە جۋىق تۇرعىننىڭ ارىز-شاعىمى قارالعان بولاتىن. كوتەرىلگەن سۇراقتاردىڭ 80% استامى كوممۋنالدىق تۇرعىن ءۇي شارۋاشىلىعى، 20% الەۋمەتتىك ماسەلەلەرگە بايلانىستى. ولاردىڭ 65% ءتۇسىندىرىلىپ، 35% وڭ شەشىمىن تاپتى، - دەيدى شارانى ۇيىمداستىرعان اكىمدىكتىڭ قزمەتكەرلەرى.
