بۇل تۋرالى بۇگىن ق ر پارلامەنتى سەناتىنىڭ وتىرىسىنان كەيىن جۋرناليستەردىڭ سۇراقتارىنا جاۋاپ بەرە وتىرىپ، قازاقستان ۇلتتىق بانكىنىڭ ءتوراعاسى دانيار اقىشيەۆ ايتىپ بەردى.
ول قازىرگى كەزدە ەكسيمبانكتىڭ، Qazaq Banki مەن استانا بانكىنىڭ وتىمدىلىكتىڭ جەتكىلىكتى دەڭگەيىن قامتاماسىز ەتۋدە تىعىرىققا تىرەلىپ وتىرعاندىعىن جانە ءۇش بانكتە دە كليەنتتەر الدىنداعى مىندەتتەمەلەرىن ۋاقتىلى ورىنداۋ شەكتەۋلى ەكەندىگىن ايتىپ ءوتتى.
— اتالعان بانكتەردىڭ كليەنتتەر الدىنداعى ءوز مىندەتتەمەلەرىن ورىنداۋى ءۇشىن جەتكىلىكتى اقشا قاراجاتىن تۇرلەندىرمەگەن نەسيە پورتفەلدەرىنىڭ ناشار ساپاسى ولاردىڭ ليسەنزيالارىن توقتاتا تۇرۋعا جانە قايتارىپ الۋعا بايلانىستى ورىن العان جاعدايدىڭ باستى سەبەبى بولىپ تابىلادى. ادەتتە، پروبلەمالى بانكتەر جاقسى كرەديتتەر بەرمەيدى. ولاردىڭ نەسيە پورتفەلدەرىنىڭ وسۋىنەن كاپيتال قورى كۇشەيمەيدى. ولاردىڭ تاۋەكەلدەردى باسقارۋ جانە كورپوراتيۆتىك باسقارۋ ستاندارتتارىن جوعارى دەپ تە ايتا المايمىز، ال نەسيە پورتفەلىنىڭ ساپاسى بارىنشا تومەن كۇيىندە قالىپ وتىر، - دەپ ءتۇسىندىردى اقىشيەۆ
- ءبىز ەكسيمبانكتىڭ، Qazaq Banki مەن استانا بانكىنىڭ قارجىلىق جاعدايىنا مونيتورينگ جۇرگىزىپ، بانكتەردىڭ مەنەدجمەنتىمەن جانە اكسيونەرلەرىمەن جاعدايدى تۇراقتاندىرۋعا باعىتتالعان شارالاردى ازىرلەۋ بويىنشا كەلىسسوزدەر جۇرگىزىپ جاتىرمىز، - دەدى اقىشيەۆ.
ءسوز سوڭىندا ول قازاقستان ۇلتتىق بانكىنىڭ دەپوزيتتەردى قابىلداۋعا ليسەنزياسى بار ەكىنشى دەڭگەيدەگى بانكتەردىڭ دەپوزيتتەرگە مىندەتتى كەپىلدىك بەرۋ جۇيەسىنىڭ قاتىسۋشىلارى بولىپ تابىلاتىنىن ەسكە سالدى.
— جەكە تۇلعالاردىڭ سالىمدارى، اقشاسى مەن تولەم كارتوچكالارى جانە بانك شوتتارى 10 ملن تەڭگەگەدەيىنگى سومادا دەپوزيتتەرگە كەپىلدىك بەرۋ جۇيەسىمەن قورعالعان، - دەدى اقىشيەۆ.
