كۋلماتوۆ ادۆوكاتى سەرگەي سلەساريەۆتىڭ ايتۋىنشا، قىلمىستىق ءىس تۋرالى سوتتا عانا ەستىگەن. سوت وتىرىسىندا پروكۋرور قىلمىستىق ءىستىڭ 14 ماۋسىمدا قوزعالعانىن حابارلاعان.

قىرعىزستاننىڭ ۇلتتىق قاۋىپسىزدىك مەملەكەتتىك كوميتەتى كۋلماتوۆقا قارسى قوزعالعان ەكىنشى قىلمىستىق ءىس مالىمەتتەرىن حابارلادى. كوميتەت اقپاراتى بويىنشا، 1995 جىلى كۋلماتوۆ كسرو ءتولقۇجاتىن جوعالتۋىنا بايلانىستى رەسەي ازاماتىنىڭ ءتولقۇجاتىن العان. دەگەنمەن 1996 جىلى كسرو ءتولقۇجاتى جوعالدى دەگەن سىلتاۋمەن قىرعىزستان ازاماتتىعىن زاڭسىز تۇردە العان.

2001، 2003 جانە 2013 جىلدارى كۋلماتوۆ ءتولقۇجات اۋىستىرعان. تەرگەۋ بۇنى ءتولقۇجات ۇستەلىندەگى قىزمەتكەرلەردى شاتاستىرۋ ءۇشىن جاسالعان دەپ ەسەپتەيدى.

بۇگىن بىشكەك قالالىق سوتى كۋلماتوۆقا قارسى ءبىرىنشى ءىس بويىنشا كۇدىكتىنى قاماۋدا قالدىردى، سول ارقىلى ءبىرىنشى مامىر اۋداندىق سوتىنىڭ شەشىمىن كۇشىندە قالدىردى. كۋلماتوۆتى ۇقمك قىزمەتكەرلەرى 5 ماۋسىمدا تەرگەۋ كەزىندە قاماۋعا العان.

كۋلماتوۆقا 18 مامىردا "جەمقورلىق" ايىبى تاعىلدى. ونىڭ ۇيىندە ءتىنتۋ جۇرگىزىلىپ، مۇلكىنە ارەست قويىلدى.

تەرگەۋ نۇسقاسى بويىنشا، كۋلماتوۆ 2014 جىلى بىشكەك مەرى بولىپ تۇرعاندا 2 ملن دوللاردىڭ گرانت قاراجاتىن زاڭسىز جۇمساعان. بۇل اقشا بىشكەك جەس-ىن جوندەۋگە بولىنگەن.

كۋلماتوۆ وزىنە تاعىلعان ايىپتارمەن كەلىسپەي وتىر.