مۇعالجار اۋدانىنىڭ اكىمى ەربول داناعۇلوۆ تامىز كەڭەسىندە اۋدان بيۋدجەتىنەن بولىنگەن قارجىنىڭ 80 پايىزى ءبىلىم سالاسىنا جۇمسالىپ جاتقانىن ايتتى دەپ حابارلايدى Qamshy.kz اقپارات اگەنتتىگى aktobenews.kz-كە سىلتەمە جاساي وتىرىپ.

«اۋداندا مەكتەپتەردىڭ بارلىعى وقۋلىقتارمەن تولىقتاي قامتاماسىز ەتىلدى. 38 مەكتەپ، 26 بالاباقشا، 5 قوسىمشا ءبىلىم بەرۋ مەكەمەسى بار مۇعالجار اۋدانى ءبىلىم سالاسىنا ءتيىستى دەڭگەيدە قولداۋ كورسەتىپ وتىر. اۋدان بيۋدجەتىنىڭ 80 پايىزى، ياعني 5 ملرد 200 ملن تەڭگە وسى سالانى دامىتۋعا جۇمسالادى. بيىلعى جىلدىڭ وزىندە اۋدانىمىزدا ءۇش مەكتەپتىڭ قۇرىلىسى باستالىپ كەتتى»، — دەيدى مۇعالجار اۋدانىنىڭ اكىمى ەربول داناعۇلوۆ.

اكىم اۋدانداعى جەتىم بالالارعا وقۋ جىلىنىڭ باسىندا پاتەر كىلتى تابىستالاتىنىن ايتتى.

«اۋداندا «مەيىرىمدى جۇرەك» اكسياسى بويىنشا اتا-انا قامقورلىعىنسىز قالعان 74 بالانىڭ ەسەپشوتى 12 ملن تەڭگەگە دەيىن كوبەيتىلدى. وسىدان ءۇش جىل بۇرىن اۋداندا 3 جەتىم بالا ءۇي العان. بيىل وبلىس اكىمىنىڭ باستاماسىمەن قاندىاعاش قالاسىندا 5 قاباتتى تۇرعىن ءۇي قۇرىلىسى جۇرگىزىلىپ، 35 جەتىم بالا باسپانامەن قامتاماسىز ەتىلدى. قازىرگى كۇنى اۋداندا وبلىستىق بيۋدجەتتەن تاعى 5 قاباتتى ءۇيدىڭ قۇرىلىسى جۇرگىزىلىپ جاتىر. قىركۇيەك ايىندا اتا-انا قامقورلىعىنسىز قالعان تاعى 10 بالاعا ءۇي بەرۋدى جوسپارلاپ وتىرمىز»، — دەيدى ەربول داناعۇلوۆ.