الماتىدا دەنيس تەنگە ارنالعان كورمە اشىلدى. وندا مانەرلەپ سىرعاناۋشىنىڭ ءوزى تۇسىرگەن سۋرەتتەرمەن قاتار، ول قاتىسقان سپورتتىق شارالارداعى ەستەلىك فوتولار قويىلعان. سونداي-اق، شارادا دوستارى مەن ارىپتەستەرىنىڭ ۆيدەوجازبالارى دا كوپشىلىككە كورسەتىلدى.
كورمەگە كەلەم دەۋشىلەر ءۇشىن ەسىك اشىق. كورمە 2 قىركۇيەككە دەيىن جالعاسادى.
«دەنيس سپورتتا ۇلكەن جەتىستىكتەرگە جەتۋمەن قاتار، شىعارماشىلىقتى جانىمەن ءسۇيىپ، ونى ءارقاشان قاتار الىپ جۇرگەن ازامات ەدى. بۇل جەردە دەنيستىڭ ءوزى تۇسىرگەن فوتوكارتينالارى قويىلدى. كورمەنى ەرەكشە ەتۋ ءۇشىن مەديابولىك جانە ۆيدەوماتەريالدار قوستىق. جالپى جوبانىڭ باستى ماقساتى – ادامداردى ءوزىن-وزى دامىتۋعا ۇمتىلدىرىپ، العا جەتەلەۋ. ءدال وسىنى كوزى ءتىرى كەزىندە دەنيس جۇرتقا تۇسىندىرگىسى كەلگەن»، – دەيدى «D10» كورمەسىنىڭ ۇيىمداستىرۋشىسى گاۋحار ومار.
