الماتىداعى جەراستى وتكەلدەرىن مۇمكىندىگى شەكتەۋلى ازاماتتار تەكسەرۋدەن وتكىزدى.
الماتىداعى جەراستى وتكەلدەرى تىڭعىلىقتى تەكسەرىستەن ءوتتى. بۇل جولى ولارعا مەملەكەتتىك قىزمەتكەرلەر ەمەس، مۇمكىندىگى شەكتەۋلى ازاماتتار باعا بەردى. ولار باسپالداقتىڭ تۇتقاسىنان باستاپ، پاندۋستار مەن جەر استىنداعى جارىقتاندىرۋدى ءجىتى باقىلادى.
«باسپالداقتان ۇستاپ تۇسۋگە ارنالعان تۇتقا ءۇش جاعىنان قويىلعان. ولار ستاندارتقا سايكەس كەلەدى. ياعني، ادامنىڭ بويىنا لايىقتى ورناتىلعان. وعان قوسا، اربامەن ءجۇرىپ، سۇيەنىپ تۇسۋگە دە ىڭعايلى جاسالعان. ال ەدەندەر تايعاق ەمەس. وتە ىڭعايلى»، – دەدى الماتى قالاسى «ەرىكتى مۇگەدەكتەر» قوعامىنىڭ ءتورايىمى ليۋبوۆ كليمكو.
ايتا كەتەيىك، الماتىنىڭ ءبىر عانا مەدەۋ اۋدانىندا 880 مۇمكىندىگى شەكتەۋلى جان تۇرادى. ال ونىڭ 30-ى – ارباعا تاڭىلعان ازاماتتار.
