كەزدەسۋ بارىسىندا قازاقستان پرەزيدەنتىنە ۇلتتىق كومپانيانىڭ ءبىرىنشى جارتىجىلدىقتاعى قىزمەتىنىڭ نەگىزگى قورىتىندىلارى مەن الداعى جوسپارلارى جونىندە مالىمدەلدى، دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.
نۇرسۇلتان نازاربايەۆ «قازمۇنايگاز» اكسيونەرلىك قوعامى مۇناي-گاز جوبالارىنىڭ بارىنە قاتىساتىن قازاقستانداعى ءىرى ءوندىرىس حولدينگتەردىڭ ءبىرى ەكەنىن اتاپ ءوتىپ، ەنەرگەتيكا سەكتورىن ودان ءارى دامىتۋ ءۇشىن كومپانيانىڭ الەۋەتىن پايدالانۋ قاجەتتىگىن ايتتى.
– بۇگىندە «قازمۇنايگاز» بەلگىلى ءبىر دامۋ دەڭگەيىنە جەتتى جانە قۇرىلىمدى وڭتايلاندىرۋدى، تەحنولوگيالىق ۇدەرىستەردى سيفرلاندىرۋدى، IPO-عا شىعۋعا ازىرلىك بارىسىن قامتيتىن ترانسفورماسيا كەزەڭىن باستان وتكەرۋدە، – دەدى قازاقستان پرەزيدەنتى.
ساۋات مىڭبايەۆ مەملەكەت باسشىسىنا ەنەرگيا رەسۋرستارىنا دەگەن الەمدىك باعانىڭ كومپانيا تابىسىنا اسەر ەتۋى تۇرعىسىنان مۇناي نارىعىنداعى احۋال جونىندە باياندادى.
كەزدەسۋ قورىتىندىسى بويىنشا ەلباسى ءبىرقاتار ناقتى تاپسىرما بەردى.
